काँकरभिट्टामा आजदेखि ‘त्यो फेरि फर्कला’ नाटक

मेचीनगर, २३ चैत । कक्षा ११ को पाठ्यक्रम र हेटौडाको ग्रामिण भेग चित्लाङमा बोलिने लिम्बु भाषाका विषयमा आधारित भवानी भिक्षुद्वारा लेखिएको ‘त्यो फेरि फर्कला’ कथा वस्तुलाई समेटिएको नाटक आजदेखि काँकरभिट्टामा प्रस्तुत हुँदैछ ।

काँकरभिट्टाको परिवर्तन थिएटरले यौन मनोविज्ञानमा आधारित कथा कक्षा ११ को नेपाली पाठ्याक्रम र हेटौडाको ग्रामिण भेग चित्लाङमा बोलिने लिम्बु भाषाका विषय मुख्य रहेको बताएको छ ।

एक यात्री र पठाडी ग्रामिण भेगमा वसोवास गर्ने सानीवीचको अनेकन तर्कना, मनोभाव, कल्पना लगायतलाई समेटेर लेखिएको कथा थिएटरले ठुलो जोखिम मोलेर रंगमञ्चमा उतार्न लागेको थियटरकी संस्थापक अध्यक्ष एवम् नाटककी निर्देशक कविता नेपालले बताइन् ।

‘एउटा कथालाई नाटककमा रुपान्तरण गर्नु कम चुनौतीको विषय थिएन’, नेपालले भनिन्–‘कथामा यात्री र सानीवीच थोरै मात्रामा संवाद । अधिकांश मनोभाव समेटिएको छ । ती मनोभावलाई पनि संवादलाई रुपान्तरण गरेर रंगमञ्चमा उतार्नु अर्को चुनौतीको विषय छ ।’

मलाया एक्सप्रेस, रेमिट्ल्याण्ड जस्ता कथा वस्तुलाई नाटकमार्फत रंगमञ्चमा उतारीसकेको थिएटरले मनोभावनामा लेखिएको कथा ‘त्यो फेरि फर्कला’ लाई मञ्चन गर्न लागेको थिएटरका कार्यवाहक अध्यक्ष लोमश पौडेलले जानकारी दिए ।

उनका अनुसार नाटक आजदेखि चैत २७ गतेसम्म दिनको दुई पटक (दिउँसो र साँझ) मेची सामुदायिक भवन काँकरभिट्टामा मञ्चन हुनेछ ।

विद्यार्थीहरुलाई लक्षित गरि तयार पारिएको यस नाटकले आम मान्छेहरुको कथा बोल्ने भएकाले सबैलाई नाटक हेरिदिन समेत उनले आग्रह गरे ।

हेटौँडाको चित्लाङ भेगमा आधारित रहेर लेखिएको कथा वस्तु निर्देशक नेपालले भने उक्त कथालाई पूर्वी नेपालसँग जोड्ने प्रयास गरेको दावी गरिन् ।

‘कथामा लिम्बु भाषाको संवाद छ । हामीले पूर्वी नेपालको लिम्बु भाषालाई संवादमा जोडेका छौँ,’ उनी भन्छिन् ‘नाटकको सेट डिजाइनमा पनि धेरै मिहेनत भएको छ । सबै कलाकारहरुको अथक प्रयास रहेकाले नाटक फरक अनि राम्रो छ ।’

थियटरले उक्त नाटकका लागि विद्यार्थी १०० र अन्यलाई २५० टिकट शुल्क तोकेको छ ।

नेपाल संगीत नाट्य प्रतिष्ठानले थियटरसँग पहिलो पटक सहकार्यमा उक्त नाटक प्रस्तु गर्न लागेको हो । नेपाल संगीत नाट्य प्रतिष्ठानकी उपकुलपति निशा शर्मा पनि आउने भएकी छन् ।