इलाम, १६ बैशाख । इलाम–२ को प्रारम्भिक मतगणना अनुसार एमालेका सूर्य चिन्हका सुहाङ नेम्बाङले अग्रता लिएका छन् ।
इलाम बजार स्थित गौतमबुद्व सभा गृहमा जारी मतगणनाको पहिलो चरणको प्रारम्भिक मत परिणाम अनुसार एमालेका सुहाङको ३७८३ मत ल्याएर अगाडि रहेका छन् ।
नेपाली कांग्रेसका डम्बर खड्काको रूखको २७८२, रास्वपाका मिलन लिम्बूको घण्टीको ५६१, पहिचानवादी समुहका डकेन्द्रसिंह थेगिमको मुढाको ७८४ मत पहिलो चरणमा ल्याएका हुन् ।
अहिले फाकफोकथुम गाउँपालिका वडा नम्बर १, २, ३, ४, ५ र ६ को मतगणना भइरहेको छ ।
इलाम–२ मा शनिबार सम्पन्न उपनिर्वाचनमा ६९ हजार २८७ मत खसेको थियो ।
Discussion about this post