ओली चुनावपछि पहिलाे पटक झापामा

मेचीनगर, ३० साउन । नेकपा एमालेका अध्यक्ष एवम् पूर्वप्रधानमन्त्री केपी शर्मा ओली गृहजिल्ला झापा आइपुगेका छन् ।

ओली गत फागुन २१ गतेको चुनावपछि पहिलो पटक झापा आइपुगेका हुन् ।

अध्यक्ष ओलीकाे शनिबार इलाम र आइतबार झापामा कार्यक्रम रहेकाे छ ।

आज चन्द्रगढी विमानस्थलमा अवतरण गरी स्थल मार्गमार्फत इलामकाे कार्यक्रममा सहभागी हुन त्यसतर्फ प्रस्थान गरेका छन् ।

ओलीलाई विमानस्थलमा एमालेका केन्द्र, प्रदेश, जिल्ला तहका नेता, कार्यकर्ता, सांसद लगायतले स्वागत गरेका थिए ।

आज इलाममै बस्ने र भोलि बिर्तामोडमा एमाले झापाले आयोजना गरेको मिसन पार्टी जागरण अभियानको उद्घाटन गर्ने कार्यक्रम रहेको एमाले झापाले जनाएकाे छ ।