आफ्नो उत्पादनलाई ब्राण्ड बनाउन कसीए महिला उद्यमी

मेचीनगर, २४ भदाै । स्थानीय अर्गानिक उत्पादनलाई प्रवर्द्धन गरी ब्राण्ड बनाउन मेचीनगरका महिला उद्यमीहरू लागि परेका छन् ।

उदय परियाेजनाले मेचीनगरका साना तथा मझौला उद्योगी हरूका लागि क्षमता अभिवृद्धि (पहुँच विस्तार वीडीएसपी सत्र तथा एसएमई दर्ता आवद्वता)  विषयमा जानकारी गराएकाे छ ।

बुधबार मेची उद्योग बाणिज्य संघकाे आयोजना, नेपाल उद्योग बाणिज्य महासंघ काेशी प्रदेशकाे प्रवर्द्धन सहयाेग र उदय परियोजनाकाे सहयाेगमा मेचीनगरका करिव ५० जना महिलाहरूलाई अर्गानिक उत्पादनकाे बजारीकरण, प्रवर्द्धन र ब्राण्डकाे रूपमा चिनाउन मेचीनगरका महिला उद्यमीहरू सक्रिय भएका छन् ।

उत्पादनकाे गुणस्तर, ब्राण्डिङ, प्याकेजिङ, लेवलिङ, बजारीकरणलाई ध्यानमा राखेर महिला उद्यमीहरूलाई परियोजनामा आवद्वता हुन अनुराेध गरेकाे छ ।

परियोजनाले उद्यमीहरूलाई उत्पादनका आधारमा सस्ताे व्याजदरमा ऋण लगानी र अन्य व्यवसायिक झनझटहरूलाई सहजता बनाउने उदेश्य रहेकाे बताइएकाे छ ।

परियोजनाका व्यवसायिक विकास सेवा अधिकृतद्वय राज उप्रेती, सविन नेपाल, संकल्प एग्राे टेक प्रालिका सञ्चालक सुरेश रेग्मी लगायतले प्राेजेक्टर मार्फत विस्तृत चर्चा गरेका थिए ।

उनीहरूले उदाहरणका रूपमा इलामकाे ललिपप मिठाई र डेरीमिल्क तथा झापाकाे मह र डावर कम्पनीको महकाे तुलना गरेका थिए ।

कार्यक्रममा सहभागी महिला उद्यमीहरूले सफल व्यवसायी बन्न सिकेका कुराहरूलाई व्यवहारमा लागू गरिने बताएका थिए ।

उनीहरूले हाम्रा उत्पादनहरूलाई प्रदर्शनमा राख्न मेचीनगरमा काेशेली घरकाे अभाव महसुस भएको बताएका थिए ।

काेशीमा ८०८ जना व्यवसायीहरू उदय परियाेजनामा आवद्वता भएका छन् । मेचीनगरका १४ जना व्यवसायीहरू आवद्व छन् । नयाँ दर्ता गर्नेहरू बढ्न थालेका छन् ।

साे कार्यक्रममा प्रमुख अतिथि नेपाल उद्योग बाणिज्य महासंघ काेशी प्रदेशका उपाध्यक्ष ऋषिराज तिमिल्सिना, आयोजक मेची उद्योग बाणिज्य संघका अध्यक्ष खेमराज प्रसाईं लगायतले व्यवसायीकाे हितका लागि स्थानीय, प्रदेश र संघ सरकार तथा महासंघ र परियोजनासँग सहकार्य गरेर अघि बढिने बताएका थिए ।

कार्यक्रमकाे सहजीकरण मेची उद्योग बाणिज्य संघका महासचिव ध्रुब कनालले गरेका थिए ।