झापा, ६ फागुन । नेत्र सहायक झापाको अध्यक्षमा युवराज बोहोरा सर्वसम्मत चयन भएका छन् ।
मेची आँखा अस्पतालका नेत्र सहायक पदमा कार्यरत उनी सो अस्पतालको स्वास्थ्य शिक्षा अधिकृत हुन् ।
हिमाल आँखा अस्पताल पोखरामा अध्ययन गरेका युवराज हाल भारतको मेघालयस्थित माहात्म गान्धी युनिर्भसिटीबाट पीएचडी गर्दैछन् । उनले आँखा स्वास्थ्य सम्वन्धि अध्ययन गरिरहेका छन् ।
झापामा रहेका विभिन्न आँखा अस्पतालहरुमा कार्यरत नेत्र सहायकहरुको भेलाले बोहोराको नेतृत्वमा जिल्ला कार्य समिति चयन गरेको हो । समितिको उपाध्यक्षमा किशोर रिजाल, सचिव अशोक तिवारी र कोषाध्यक्षमा सञ्जु अर्याल चयन भएका छन् ।
त्यस्तै सदस्यहरुमा योगेन्द्र राउत, होम धिताल, निशा संग्रौला, रोमा फियाक, क्रिस्टिना सुब्बा, निरज दाहाल र सरु थापा छन् ।
यता सल्लाहकार समितिको संयोजकमा मनोज उपाध्यय चयन भएका छन् । भेलामा मेची आँखा अस्पताल, बिर्तामोड आँखा अस्पताल, दृष्टि आँखा अस्पताल, बिर्ता आई केयर, मेची नेत्रालय, दिब्यज्योति आँखा अस्पताल, काँकरभिट्टा आई केयर, बिर्ताज्योति आई केयरका नेत्र सहायकहरु सहभागी थिए ।
मेची आँखा अस्पतालका नेत्र सहायक मेमलाल राजवंशीको अध्यक्षतामा भएको कार्यक्रममा कृष्णप्रसाद भण्डारीको प्रमुख आतिथ्यता रहेको थियो ।
कार्यक्रममा प्रमुख आतिथि भण्डारी, विनोद दाहाल, भवानी पाठक, मनोज उपाध्याय लगायतले शुभकामना मन्तव्य राखेका थिए । कार्यक्रमको स्वागत कविता कार्की कडरियाले गरेकी थिइन् ।
Discussion about this post