झापा, १ वैशाख । सशस्त्र प्रहरीले चलाएकाे बुलेट बाइकमा एक्कासी आगलागी भएको छ ।
मंगलबार भद्रपुरबाट इटहरी जादैँ गरेकाे प्र.१-०२-०५२ प ८५७३ नम्बरको कालो रङको बुलेट बाइक सडकमा गुडीरहेको अवस्थामा दमक नगरपालिका-८ नेम्वाङ ड्राईभिङ सेन्टर अगाडी पूर्व-पश्चिम लोकमार्गमा एक्कासी आगलागि भएको हाे ।
वैशाख १ गते कै दिन आज दिउँसो १२:४५ वजे बाइकमा आगलागी भएको थियाे ।
प्रहरी टोली, दमकल र स्थानीय बासीको सहयोगमा दिउँसो १ बजे आगाे नियन्त्रणमा आएको थियाे । बाइक पूर्णरुपमा क्षति भएको प्रहरीकाे भनाई छ ।
बाइक चालक संखुवासभा जिल्ला मादी नगरपालिका-३ घर भई हाल शसस्त्र प्रहरी सीमा सुरक्षा गुल्म भद्रपुर झापामा कार्यरत सशस्त्र प्रहरी सहायक हवल्दार गणेश जिमी रहेकाे झापा प्रहरीले जनाएकाे छ । चालक जिमी सकुसल रहेका छन् ।
Discussion about this post