बसको ठक्करबाट मोटरसाइकल चालकको मृत्यु

झापा, ११ भदौ । कमल गाउँपालिका स्थित पूर्वपश्चिम राजमार्गको चुलाचुली मोडमा शुक्रबार दिउँसो यात्रुबाहक बसको ठक्करबाट एक जनाको घटनास्थलमै मृत्यु भएको छ ।

पूर्वबाट पश्चिम जाँदै गरेको मे १ ख ६७६२ नम्बरको यात्रुबाहक बसको ठक्करबाट मोरङ उर्लाबारी नगरपालिका–६ का ५० वर्षीय हेमसागर थापाको घटनास्थलमै मृत्यु भएको हो ।

जिल्ला ट्राफिक प्रहरी कार्यालय झापाका अनुसार मे ३ प ९४४९ नम्बरको मोटरसाइकलमा पश्चिमबाट पूर्व आउँदै गरेका थापालाई बसले दिउँसो १ बजेतिर ठक्कर दिएको थियो ।

थापाको घटनास्थलमै मृत्यु भएको ट्राफिक प्रहरी कार्यालयले जनाएको छ ।

दुर्घटना गराउने बस र सोका चालक उर्लाबारी नगरपालिका–७ बस्ने सपतलाल धिमाल पक्राउ परेका छन् ।