मेचीनगर, १३ माघ । बाल विवाह न्यूनिकरणका लागि विद्यार्थीका अभिभावकहरूसँग कानुनी उपचार सम्बन्धि अन्तरक्रिया गरिएको छ ।
मंगलबार महिला जनचेतना केन्द्र काँकरभिट्टाले मेचीनगर-७, सतिघट्टा स्थित अरनिकाे माविमा उक्त कार्यक्रम आयोजना गरेकाे हाे ।
सरकारले २० वर्ष भन्दा मुनिका किशोरीहरूसँग विवाह गर्न नपाउने कानुन बनाएकाे छ ।
विपन्न, गरिबी र अशिक्षाका कारण धेरै जसाे लाेपाेन्मुख समुदायमा यस्ता घट्नाहरू भएको पाइन्छ ।
बाल विवाह गर्नु अपराध हाे भनेर विभिन्न सामाजिक संघ-संस्थाहरूले पनि गाउँ-गाउँमा गएर सचेतना दिने काम गरिरहेका छन् ।
उमेर नपुगिकन विवाह गराउनु हुँदैन, किशोरीहरूकाे आफ्नो अधिकार र निर्णयलाई अभिभावकहरूले जवरजस्ती विवाह गराउन नहुने जस्ता विषयमा बुझाउन पनि अन्तरक्रिया गरिएको थियाे ।
अन्तरक्रियामा सहजकर्ताका रूपमा अधिवक्ता टिकाप्रसाद कडेल रहेका थिए ।
कार्यक्रममा प्रमुख अतिथि विद्यालय अभिभावक संघका अध्यक्ष राजु गुरूङ, व्यवस्थापन समितिका अध्यक्ष निर्मल खत्री, सहायक प्रधानाध्यापक सिर्जना पाैडेल, महिला जनचेतना केन्द्रकी अध्यक्ष सीता गुरूङ लगायतले आ-आफ्ना विचार राखेका थिए ।
महिला जनचेतना केन्द्रकी संस्थापक अध्यक्ष राधा प्रधान कार्कीले कार्यक्रमकाे औचित्यमाथि प्रकाश पारेकी थिइन् ।
कार्यक्रममा प्रधानाध्यापक विशाल भट्टराई, शिक्षक उदयराज कार्की लगायतकाे उपस्थिति रहेकाे थियाे ।
कार्यक्रमकाे सञ्चालन केन्द्रकी कार्यक्रम संयाेजक मनिला उप्रेती सुवेदीले गरेकी थिइन् ।
Discussion about this post