खोटाङमा हेलिकप्टर दुर्घटना

झापा, ४ चैत । खोटाङकाे केपिलासगढी गाउँपालिका-२ खार्ताम्छाको बालाबेसीमा हेलिकोप्टर दुर्घटना भएको छ ।

काठमाडौंबाट ६ जना यात्रु बोकेर गएको हेलिकोप्टर दुर्घटनामा परेको हो ।

दुर्घटनामा मानवीय क्षति भने नभएको बताइएको छ ।

केपिलासगढी गाउँपालिका अध्यक्ष समिर राईले बारीको डिलमा ल्यान्ड गर्नेक्रममा दुर्घटना भएको जानकारी दिए ।

सुरुमा डिलमा ल्यान्ड हुन लागेको हेलिकोप्टरलाई उठाएर बारीको बीचमा लैजान खोज्दा दुर्घटना भएको राईकाे भनाई छ ।