मेचीनगर, २० वैशाख । मेची उद्योग बाणिज्य संघकाे आसन्न चुनावमा १६ पदका लागि ३२ जनाकाे उम्मेदवारी परेकाे छ ।
संघकाे निर्वाचन तालिका अनुसार आइतबार मध्यान्ह १२ वजेदेखि ४ वजे सम्मकाे मनाेनयन दर्ताकाे समयमा १६ पदका लागि ३२ जनाकाे उम्मेदवारी परेकाे हाे ।
व्यवसायीहरूले आ-आफ्नाे समूह बनाएर उम्मेदवारी दिएका छन् ।
व्यवसायी खेमराज प्रसाईकाे नेतृत्वकाे साझा व्यवसायी समूहबाट अध्यक्ष पदमा प्रसाईं, वरिस्ठ उपाध्यक्षमा आनन्द खड्का, उद्योग उपाध्यक्षमा भीमबहादुर कुँवर, बाणिज्य उपाध्यक्षमा नरबहादुर (तिलक) थापा, महिला उपाध्यक्षमा उषा नेपाली श्रेष्ठ र महासचिवमा दिनेश शाक्यले मनाेनयन दर्ता गराएका छन् ।
यस्तै, महिला सदस्यहरूमा मीरा कार्की र रमा आचार्य (राधा)काे उम्मेदवारी रहेकाे छ ।
पुरूष सदस्यहरूमा दिनेश पाेखरेल, मानबहादुर कटुवाल, सुरज चाैधरी, सचिन निराैला, ललित अग्रवाल, विजय गुप्ता, खिराेज बराल (फिराेज) र चन्द्रबहादुर घाेर्साईले मनाेनयन दर्ता गराएका हुन् ।
साझा व्यवसायी समूहमा नेकपा एमालेकाे नेतृत्वमा रास्वपा, राप्रपा, जसपाका उम्मेदवार सहभागी रहेका छन् ।
यता व्यवसायी किशाेर क्षेत्री (कपिल) काे नेतृत्वको समावेशी व्यवसायी प्यानलबाट अध्यक्षमा क्षेत्री, वरिष्ठ उपाध्यक्षमा भुमि पाैडेल, उद्योग उपाध्यक्षमा हरिप्रसाद काेइराला, बाणिज्य उपाध्यक्षमा सन्ताेष खवास, महिला उपाध्यक्षमा सुन्दरीकुमारी श्रेष्ठ र महासचिवमा ध्रुव कनालले मनाेनयन दर्ता गराएका छन् ।
यस्तै, महिला सदस्यहरूमा कृष्णकुमारी प्रसाईं (कल्पना) र चम्पा नेम्बाङकाे उम्मेदवारी रहेकाे छ ।
सदस्यहरूमा जयकुमार श्राप (सुनार), विनाेदकुमार बानियाँ, अर्जुन तिवारी, गाेपिकृष्ण गाैतम, प्रबुल केसी क्षेत्री, आशिष संग्राैला, तारा श्रेष्ठ र राजेशकुमार बंशलले उम्मेदवारी मनाेनयन दर्ता गराएका हुन् ।
समावेश व्यवसायी प्यानलमा नेपाली कांग्रेस नेतृत्वमा राप्रपा, नेकपा र श्रम शक्ति पार्टीका उम्मेदवारहरू रहेका छन् ।
संघकाे यही वैशाख २६ गते चुनाव हुँदैछ । संघकाे ३ वर्षे कार्यकालका लागि ६ जना पदाधिकारी, २ जना महिला सदस्य र ८ जना पुरूष सदस्यसहित १६ जनाकाे कार्यसमिति रहने छ ।
३ जनाकाे निर्वाचन समित र एक जना प्रमुख सल्लाहकार रहेकाे छ । जसमा प्रमुख निर्वाचन अधिकृतमा अधिवक्ता पदम डाँगी, सदस्यहरूमा अधिवक्ता अजय घिमिरे र सीताराम मिश्र तथा प्रमुख सल्लाहकारमा असाेककुमार पाेखरेल रहेका छन् ।
निर्वाचन तालिका अनुसार उम्मेदवारकाे नाममा दावी, विराेध, छानवीन, निर्णय र फिर्ताकाे समय साेमबार ४ वजेसम्म र अन्तिम नामावली प्रकाशन साढे ४ वजे सम्म रहेकाे छ ।
चुनाव वैशाख २६ गते विहान ८ वजेदेखि साँझ ५ वजेसम्म र मतगणना वैशाख २७ गते विहान ८ वजेदेखि हुनेछ ।
Discussion about this post