मेचीनगर, २३ वैशाख । मेची उद्योग बाणिज्य संघको आसन्न चुनावका लागि दुवै समूहका उम्मेदवारहरु व्यवसायीको घर तथा पसलहरुमा पुग्न थालेका छन् ।
संघको यही वैशाख २६ गते पासाङ ल्हामु जेसीज स्मृति प्रतिष्ठान (टाउन हल) मा हुने निर्वाचनका लागि व्यवसायीको साझा र समावेशी समूहका उम्मेदवारहरु मेचीनगरका विभिन्न बजारहरुमा व्यवसायीसँग भोट मागिरहेका छन् ।
साझा व्यवसायी समूहमा खेमराज प्रसाईले नेतृत्व गरेका छन् भने समावेशी व्यवसायी प्यानलबाट किशोर क्षेत्री (कपिल) ले नेतृत्व गरेका हुन् ।
प्रसाईले नेतृत्वको समूहमा वरिस्ठ उपाध्यक्षमा आनन्द खड्का, महिला उपाध्यक्षमा उषा श्रेष्ठ, उद्योग उपाध्यक्षमा भीमबहादुर कुँवर, बाणिज्य उपाध्यक्षमा नरबहादुर (तिलक) थापा, महासचिवमा दिनेश शाक्य रहेका छन् ।
त्यस्तै, सदस्यहरूमा दिनेश पोखरेल, मानकुमार कटुवाल, सुरज चौधरी, सचिन निरौला, ललित अग्रवाल, मीरा कार्की, विजय गुप्ता, रमा आचार्य वस्नेत, खिरोज (फिरोज) बराल र चन्द्र घोर्साई उम्मेदवार छन् ।
यता क्षेत्रीको नेतृत्वमा वरिष्ठ उपाध्यक्षमा भुमि पौडेल, उद्योग उपाध्यक्षमा हरि कोइराला, बाणिज्य उपाध्यक्षमा सन्तोष खवास र महासचिवमा ध्रुव कनाल छन् ।
यस्तै, सदस्यहरूमा आशिष संग्रौला, जयकुमार श्राप (सुनार), अर्जुन तिवारी, राजेश बंशल, सुरज श्रेष्ठ, गोपीकृष्ण गौतम, प्रवल केसी क्षेत्री, विनोदकुमार बानियाँ, कृष्णकुमारी प्रसाई (कल्पना) र चम्पा नेम्बाङ उम्मेदवार रहेका छन् ।
बुधबार विहानैदेखि चारआली बजारका पसलहरुमा दुवै समूहका उम्मेदवारहरु आफ्नो पक्षमा मत पार्न व्यवसायीहरुलाई फकाइरहेका थिए । अब चुनाव आउन ३ दिन बाँकीरहदा उम्मेदवारहरु घाम, पानी नभनी चुनावी मैदानमा होमिएका छन् ।
Discussion about this post