मेचीनगर, ६ मंसिर । झापा–१ मा प्रदेश सभा सदस्य ‘ख’ मा राप्रपाको तर्फबाट उम्मेदवार बनेकी सविना बजगाईले प्रतिस्पर्धिलाई उछिनेकी छन् ।
१४७०९ मत गनिसक्दा बजगाईको ५९६६ र गठबन्धनका तर्फबाट माओवादी केन्द्रका उम्मेदवार श्यामविर लिम्बुले ५६१५ मत ल्याएका छन् । लिम्बु र बजगाईको मतान्तर ३५२ रहेको छ ।
यता जनता समाजवादी पार्टीको ढल्केको छाताको ४३०, संघिय लोकतान्त्रिक राष्ट्रिय मञ्चको दापसहितको खुकुरी चिन्हको ५८७, लोकतान्त्रिक समाजवादी पार्टी नेपालको साइकल चिन्हको ६१, राप्रपा नेपालको तीर चिन्हको १४८ मत ल्याएका छन् ।
त्यस्तै मंगोल नेशनल अग्रनाइजेशनको कुखुराको भाले चिन्हले ५१५, राष्ट्रिय जनमुक्ति पार्टीको घर चिन्हको १०२, नेपाल संघिय समाजवादी पार्टीको बस चिन्हको ५९ र हिराप्रसाद पोखरेलको स्वतन्त्र चिन्ह जेव्राको ५२१ मत ल्याएको निर्वाचन अधिकृतको कार्यालय मेचीनगरले जनाएको छ ।
Discussion about this post