झापा, ३० भदाै । हल्दिबारीका एक युवा रास्वपाकाे नेता एवम् प्रधानमन्त्री कार्यालयको सचिवालय सदस्य भन्दै सरकारी कार्यालयमा धाकधम्की दिएको आरोपमा झापामा पक्राउ परेका छन् ।
पक्राउ पर्नेमा हल्दिबारी गाउँपालिका-१ का २६ वर्षीय सुजन विश्वकर्मा रहेका खुलेकाे छ ।
जिल्ला प्रहरी कार्यालय झापाका अनुसार विश्वकर्माले आफूलाई रास्वपाको केन्द्रीय सदस्य तथा प्रधानमन्त्री कार्यालयको सचिवालय सदस्य रहेको भन्दै परिचय दिने गरेकाे बताइएकाे छ ।
उनले सोही परिचयका आधारमा झापाको विभिन्न सरकारी कार्यालय, बैठक तथा शैक्षिक संस्थामा प्रवेश गर्ने गरेको र धाकधम्की दिने गरेको प्रहरीको भनाइ छ ।
प्रहरीका अनुसार उनले दाबी गरेका पद तथा जिम्मेवारी वास्तविक नभएको प्रारम्भिक अनुसन्धानबाट खुलेको थियाे ।
विश्वकर्मालाई जिल्ला अदालत झापाबाट पाँच दिनको म्याद थप गरी थप अनुसन्धान भइरहेको छ ।
Discussion about this post