आम्दा मेची अस्पतालमा एसीसहितकाे शवगृह बन्ने

मेचीनगर, ७ साउन । धुलाबारी स्थित आम्दा मेची अस्पतालमा बातानुकुलित(एसी) सहितकाे शवगृह बन्ने भएको छ ।

मेचीनगर-१२ का स्थानीय समाजसेवी राजन चिमरियाकाे आर्थिक सहयाेगमा आम्दा मेची अस्पतालमा एसीसहितकाे शवगृह बन्ने भएको हाे ।

विहीबार आम्दा मेची अस्पताल विकास समितिका अध्यक्ष एवम् मेचीनगर नगरपालिकाका प्रमुख गाेपालचन्द्र बुढाथोकीकाे अध्यक्षतामा बसेकाे पहिलाे वैठकले शवगृह सञ्चालन गर्न कार्यविधि बनाउन ४ जना सदस्य रहने गरि कार्यदल गठन गरिएको छ ।

कार्यविधि बनाउन नगरपालिका स्वास्थ्य शाखा प्रमुख सविता सापकाेटा, अस्पतालका प्रशासकीय अधिकृत किरण निराैला, मेची उद्योग बाणिज्य संघका कार्यकारी अधिकृत गाेपाल वस्नेत र शवगृह दाता परिवारका तर्फबाट याेगेन्द्र चिमरियाकाे कार्यदल गठन गरिएको छ ।

वैठकमा उपप्रमुख मीना पाेखरेल उप्रेती, मेची उद्योग बाणिज्य संघका अध्यक्ष एवम् समितिका उपाध्यक्ष खेमराज प्रसाईं, ७ नम्बरका वडाध्यक्ष प्रलादमणि ओली, सदस्य सचिव मेडिकल सुपरिटेन्डेन्ट डा.पाेशण रमण त्रिपाठी, मेची उद्योग बाणिज्य संघका पूर्व अध्यक्ष ऋषिराज तिम्सिना, वरिष्ठ उपाध्यक्ष आनन्द खड्का, महासचिव ध्रुब बनाल, कार्यर्कारी अधिकृत गाेपाल वस्नेत, अस्पतालका प्रशासकीय अधिकृत किरण निराैला, शवगृहका दाता परिवार राजन चिमरिया, साउन मेचे लगायतकाे उपस्थिति रहेकाे थियोे ।

कार्यदलले कार्यविधि तयार पारेपछि अस्पताल सञ्चालक समिति र शवगृह निर्माण दाता परिवारबीच सम्झाैता हुनेछ ।

रितिक डेरीका सञ्चालक समेत रहेका समाजसेवी राजन चिमरियाले गतवर्ष मेराे जन्मदिनमा मेचीनगरमा जुनसुकै ठाउँमा शवगृह बनाउने घाेषणा गरे अनुसार यस अस्पतालमा बनाउने सहमति भएको बताए ।

उनले साउन महिनाभित्र करिव ९ लाख रूपैयाँ खर्चमा अस्पतालकाे पछाडिपट्टि ४ वटा शव राख्न मिल्ने गरीकाे एसीसहितकाे शवगृह बनाइने जानकारी दिए ।