धुलाबारीमा कफी बनाउन सिकाउँदै इलाइट युनिभर्स

।। अर्जुन कार्की ।।

मेचीनगर, १० सााउन । मेचीनगर–१० स्थित धुलाबारी चोक दक्षिण ज्यामिरगढी जाने सडक छेउको कमल कोइरालाको भव्य भवनको पहिलो तलामा ‘इलाइट कफि युनिभर्स एण्ड ट्रेनिङ सेन्टर’ सञ्चालनमा छ । यो सेन्टरले ‘वारिस्टा ट्रेनिङ’ अर्थात कफी बनाउन सिकाउँछ ।

इलाइट कफि नेपालभरि फैलिएको छ । सञ्चालक रुद्र विकका अनुसार सेन्टर मेचीनगरमा यही साउन १ गतेबाट सञ्चालमा आएको हो । झापाका विभिन्न पालिकामा यसको विस्तार गरिने सेन्टरको योजना छ ।

सेन्टरमा एउटा उच्चस्तरीय कफी मेसिन राखिएको छ । ती मेसिनको प्रयोगबाट १०० भन्दा बढी प्रकारका कफी बनाउन सिकाइन्छ । ‘अन्तर्राष्ट्रिय मापदण्ड अनुरूप उत्कृष्ट प्रचलित कफी बनाउन यहाँ तालिम दिइन्छ’ विकले भने ।

विकका अनुसार ‘प्रोफेसनल कफी कोर्ष’ बाट अध्ययन गराइन्छ । उनका अनुसार ‘प्रोफेसनल बारिस्टा’ कोर्षमा कफीको इतिहास र वर्तमान अवस्था, स्पेसो वेभरेज बनाउने तरिका, मेसिन सञ्चालन विधि, दूध उमाल्ने तरिका र ग्राहकलाई सर्भिस कसरी दिने भन्ने कुरा सिकाइन्छ । सिकाई अवधि एक महिनाको हुन्छ ।

त्यसका साथै हाते आर्ट ट्रेनिङ (कफिमा बुट्टा हाल्न) पनि सिकाइन्छ । कफी मेसिनको इतिहास, कफीका प्रकार, ग्रीण्डर गर्ने तरिका पनि सिकाइन्छ । प्रोफेसनल कफी कोर्षमा कफी रोस्टिङ, कफीको विजनेश गर्ने तरिका सिकाइन्छ । उनका अनुसार कोर्षको सम्पूर्ण डिजाइन ट्रेनिङ इलाइट कफि युनिभर्स एण्ड ट्रेनिङ सेन्टरले गरेको हो ।

यहाँ त्यस विषयमा विज्ञता हासिल गरेका २ जना नेपाली शिक्षक–शिक्षिकाले तालिम दिन्छन् । बिर्तामोडका शिक्षक सौरज वराइली र शिक्षिका सोझिना राईले तालिम दिइरहेका छन् । तालिममा ८० प्रतिशत प्रेक्ट्रिकल र २० प्रतिशत थेउरिटिकल पढाईने गरिएको छ ।

जो विद्यार्थी स्टुडेन्ट भिसामा बाहिर जाँदै छन् । त्यस्ता विद्यार्थीलाई यो तालिम अत्यन्तै उपयोगी हुने विक बताउँछन् । ‘हामीसँग तालिम लिएकाले विश्वको जुनसुकै कफी सपमा काम गर्न सक्छन’, उनले भने ।

यो कोर्ष पुरा गर्दा १६ हजार रुपैयाँ शुल्क लाग्छ । तर, अहिले ४० प्रतिशत छुटमा एक महिनाको ९ हजार ६ सय लाग्छ । विद्यार्थीलाई सहज हुने तरिकाले विहान ७ः३० वजे, ९ः३० वजे, दिउँसो १ वजे र बेलुका ३ वजेदेखि ४ सिफ्टमा पढाई हुन्छ । एक सिफ्टमा ५ जना विद्यार्थीलाई २ घण्टा पढाउने व्यवस्था छ ।

यहाँ तालिम लिनेलाई कामको पनि व्यवस्था मिलाइने गरेको छ । कोर्ष अध्ययनपछि अन्तर्राष्ट्रिय स्तरमा मान्यता पाउने गरी ‘सर्टिफिकेट’ दिइन्छ । ‘त्यो सर्टिफिकेटले विश्वका अन्य देशहरुमा मान्यता पाउँछ, कफी बनाउने कामका लागि हरेक देशमा दक्ष मानिन्छ’ विकको दावी छ ।

काँकरभिट्टा निवासी २५ वर्षीय विक भन्छन्–‘पढाई अनुसारको विषय होइन । बिर्तामोड स्थित गोमेन्द्र कलेजमा आइटीमा व्याचलर गर्दैछु । तर, पनि साथिहरुको सल्लाहले यो पेशामा हात हाले । यहि पेशामा साथिहरुले कमाइरहेका छन् । विदेश जान परेको छैन । मैले पनि विदेश जाने कोसिस गरे । विदेश जाने इच्छा मर्यो । अब अन्तिममा यहि पेशा राम्रो लागेर सुरु गरेको छु ।’

उनका अनुसार सुरुमा रहर थियो । अब बाध्यतामा पुगे । कफीका धेरै योजनाहरु सोचेको छु । बारिस्टा, बार ट्रेनिङ हुँदै बेकरीमा हात हाल्ने लक्ष्य छ । मेचीनगरलाई तालिम हव बनाउछु ।

त्यसो त उनले डिजिटल मार्केटिङ, इलाइट प्रोडक्सन एण्ड एडभरटाइजिङ पनि खालेका छन् । त्यसबाट विभिन्न कम्पनीका सामानहरुको सोसियल मिडिया, इस्टाग्राम, युटुयवबाट प्रचारप्रसार गर्ने काम पनि गरिरहेको उनले बताए ।

भिडियो पनि हेर्नु होला ।