मेचीनगर, २० माघ । शिवसताक्षी नगरपालिका–१ स्थित धरमपुरमा दुईवटा ट्रक एकापसमा ठोकिँदा शुक्रबार विहान दुई जनाको मृत्यु भएको छ ।
मृत्यु हुनेमा ना.३ ख ८३११ नम्बरका चालक मदन चौधरी र सोही ट्रकका सहचालक रहेको प्रहरीले बताएको छ । सहचालकको नाम खुल्न नसकेको जिल्ला प्रहरी कार्यालय झापाका प्रवक्ता बसन्त पाठकले बताए ।
उनका अनुसार पूर्वपश्चिम राजमार्गमा पश्चिमबाट पूर्व आउँदै गरको ना.६ ख ८८९५ नम्बरको ट्रकलाई पछाडिबाट जाँदै गरेको ना.३ ख ८३११ नम्बरको ट्रकले ठक्कर दिएको थियो । सोही ठक्करबाट चौधरी र सहचालकको मृत्यु भएको हो ।
Discussion about this post