भद्रपुर, २ असार । ओमसाई पाथिभरा अस्पतालले विरामीकाे सुविधाका लागि घरदेखि अस्पतालसम्म पुर्याउने गाडीको सहजता मिलाएकाे छ ।
ओमसाई उपचार गर्न आउने विरामीका लागि अस्पतालले २ वटा कारले घरमा लिन आउने र फेरि ल्याईदिने व्यवस्था गरेकाे हाे ।
अस्पतालका प्रबन्ध निर्देशक बालकुमार पाेखरेल (साईराम) ले ओमसाई उपचार गर्न आउने विरामीलाई सहजताका लागि पिच पुगेका ठाउँमा २ वटा कारले पुर्याउने र ल्याउने काम सुरू गरिएको जानकारी दिए ।
उनका अनुसार बाहुनडाँगी, काँकरभिट्टा, ईटाभट्टा, धुलाबारी, चारआली, बिर्तामोड, केचना, हल्दिबारी, पृथ्वीनगर, बाह्दशी, भद्रपुर लगायत कालाेपत्रे सडक पुगेकाे ठाउँमा विरामीकाे घरमा पुगेर अस्पताल ल्याइदिने र पुर्याउने गरेकाे छ ।
´एकजना विरामीसँग थप तीन जना सहयाेगी बसेर आउन र जान सकिन्छ`-पाेखरेलले भने-´घरदेखि अस्पतालसम्म आउन कति किलाेमिटर लाग्छ । साेही अनुसार पर किलोमिटर रू.२० लाग्ने छ । याे विरामीका लागि भाडा नभएर सुविधा हाे ।`
अस्पतालले विरामीका लागि गाडीमा पिक अप एण्ड ड्रप र फाेन नम्बरसहित लेखेर २४ सैं घण्टा सेवा दिइरहेकाे पाेखरेलकाे भनाई छ ।
अस्पताल स्थापनादेखि नै विरामीहरूकाे प्रकृति र अवस्था हेरेर उपचार सेवा प्रदान गरिरहेकाे उनले बताए ।
Discussion about this post