झापा, २१ फागुन । देशभरका बैंक तथा वित्तीय संस्था र मिटर व्याजीहरुका विरुद्ध आन्दोलन गरिरहेको नेपाल कम्युनिस्ट पार्टीले झापामा निरन्तर प्रदर्शन गरिरहेको छ ।
शनिबार झापाका दुई पालीकामा पीडितसहित नेपाल कम्युनिस्ट पार्टीले जनतालाई ठगी गरिरहेको भन्दै प्रदर्शन गरेको हो ।
बुद्वशान्ति गाउँपालिकामा भएको कार्यक्रमलाई पार्टीका जिल्ला इन्चार्ज प्रशान्त सीले सम्बोधन गरेका थिए ।
त्यस्तै झापा गाउँपालिकामा भएको कार्यक्रमलाई जिल्ला सचिव सञ्जय सीले सम्बोधन गरेका थिए ।
देशमा आर्थिक समस्या बढेका समयमा लघुबित्त, बैंक तथा सहकारी र मिटर व्याजीहरुले घर–घरमा गएर जनता धम्क्याउने, ताला लगाउने जस्ता गतिविधि बढ्न थालेको भन्दै नेकपा आक्रोशित बनेको हो ।
विरोध प्रदर्शन कार्यक्रममा भेला भएका पीडितहरुले बैंक तथा वित्तीय संस्थाका विरुद्ध विभिन्न नाराबाजी समेत गरेका थिए । प्रदर्शनमा लघुबित्त मुर्दावाद ! चर्को व्याजदर फिर्ता गर ! मिटर ब्याज बन्द गर ! लगायतका नारा लगाँउदै बजार परिक्रमा गरिएको थियोे ।
यसअघि पार्टीले विज्ञप्ति जारी गर्दै पीडितहरुलाई नधम्क्याउन र ऋण तिर्न सहज वातावरण बनाउन आग्रह गरेपनि केही वित्तीय संस्थाहरुले अटेर गरेपछि कार्यालयमै समेत पुगेर सम्झाउने काम भइरहेको र अटेर गर्नेहरुलाई कारबाही गरिने जिल्ला इन्चार्ज सिले बताएका छन् ।
Discussion about this post