मेचीनगर, ११ साउन । मेचीनगरबाट नियमित प्रकाशित खबरमञ्च साप्ताहिक आठौँ वर्षमा प्रवेश गरेको छ ।
मेचीनगर–६ स्थित काँकरभिट्टाबाट साताको प्रत्येक बिहीवार प्रकाशित हुँदै आएको खबरमञ्च साप्ताहिकले सफलताको सातौँ बसन्त पार गरी आठौं वर्षमा प्रवेश गरेको हो ।
२०७३ साउन १० गते झापा जिल्ला प्रशासन कार्यालयबाट दर्ता प्रमाण पत्र प्राप्त गरी खबरमञ्च साप्ताहिक पत्रिकाको प्रकाशन सुरु गरिएको हो । अहिले उक्त पत्रिका स्थानीय ‘क’ वर्गमा वर्गिकरणमा छ ।
मेचीनगर तथा आसपासका क्षेत्रलाई केन्द्रमा राखी खबरमञ्च साप्ताहिक पत्रिकाको प्रकाशन गरिएको हो । खबरमञ्च साप्ताहिकले शहरी र ग्रामीण क्षेत्रलाई विशेष प्राथमिकतामा राखी जनताको समस्यालाई उजागर गर्ने प्रयास गरिरहेको छ ।
छापा माध्यमबाट सुरु गरेको खबरमञ्च साप्ताहिकले हाल छापा र अनलाइन दुबै संस्करणलाई निरन्तरता दिइ रहेको छ ।
खास गरी स्थानीय बिषयवस्तु र समेट्नै पर्ने समाचारका बिषयवस्तुलाई प्राथमिकतामा राखेर साप्ताहिकको अनलाइन संस्करण आम पाठकहरुले पढ्न पाइरहेको पत्रिकाका प्रकाशक एवम् सम्पादक प्रकाश पौडेलले बताए ।
Discussion about this post