मेचीनगर, २५ माघ । मेची कृषक बहुमुखी सहकारी संस्थाको अध्यक्षमा फेरि हरिबहादुर बुढाथोकी सर्वसम्मत निर्वाचित भएका छन् ।
मंगलबार मेचीनगर नगरपालिका–७, ईटाभट्टा स्थित संस्थाको परिसरमा निर्वाचन समितिले अध्यक्ष बुढाथोकीसहितको नाम घोषणा गरेको थियो ।
संस्थाको गत मंसिरमा सम्पन्न भएको २४ औँ साधारण सभाले निर्वाचन गराउने निर्णय गरेको थियो । सोही बमोजिम गत पुस १७ गते धनराज भण्डारीको संयोजकत्वमा ३ सदस्यीय निर्वाचन समिति गठन भएको थियो ।
जसको सदस्यमा हेमेन्द्र निरौला र नविन पाठक रहेका थिए । निर्वाचन समितिले बुधवार अध्यक्षसहित १३ जना सदस्यको नाम सार्वजनिक गर्यो ।
सञ्चालक समितिको अध्यक्षमा बुढाथोकी, उपाध्यक्षमा दुर्गाप्रसाद सापकोटा तथा सदस्यहरुमा सूर्य अधिकारी, साजना श्रेष्ठ, कमल थापा, माधव आचार्य, रुपसागर अधिकारी, श्यामलाल दाहाल, ऋषिप्रसाद निरौला, भवनाथ दाहाल, देवीबहादुर खड्का, नैनकला खत्री राउत र धर्मकला कोइराला भण्डारी सर्वसम्मत निर्वाचित भएको निर्वाचन समिति संयोजक भण्डारीले बताए ।
त्यस्तै लेखा सुपरिवेक्षण समिति संयोजकमा कमलप्रसाद बाँस्तोला तथा सदस्यहरुमा शान्ति चौधरी र हेमप्रसाद कोइराला सर्वसम्मत निर्वाचित भएको उनले बताए ।
निर्वाचन प्रक्रियामा अध्यक्षका प्रत्यासी मनोज गौतमले सहमतिका लागि उम्मेद्वारी फिर्ता लिएपछि अध्यक्षमा बुढाथोकीसहित पदाधिकारी तथा सदस्यहरु सर्वसम्मत निर्वाचित भएका थिए ।
बुढाथोकी यसअघि पनि अध्यक्षमा सर्वसम्मत निर्वाचित भएका थिए । उनी स्थापनाकालदेखि सञ्चालक समितिको विभिन्न पदमा रहेर अनुभव बटुलीसकेका एक कुशल एवम् इमानदार सामाजिक व्यक्तित्वको रुपमा परिचित छन् ।
नयाँ सञ्चालक समितिको सपथ ग्रहण कार्यक्रम आउँदो फागुन १ गते हुने संस्थाले जनाएको छ ।
Discussion about this post