मेचीनगर, ८ फागुन । आज मेचीनगर-१२ स्थित पाथिभरा टाेलकी एकजना महिला हात्तीकाे आक्रमणबाट घाइते भएकी छन् ।
मंगलबार कालिका सामुदायिक वनमा हात्तीले विहान ११ वजे ३१ वर्षीया चन्द्रकुमारी आङदेम्वेलाई आक्रमण गरेकाे हाे ।
विहान दाउरा खाेज्न नजिकैकाे जंगलमा जाँदा हात्तीकाे आक्रमणमा परी आङदेम्वेकाे टाउकाे र खुट्टामा चाेट लागेकाे इलाका प्रहरी कार्यालय धुलाबारीका प्रमुख प्रहरी निरीक्षक राेहित शर्माले जानकारी दिए ।
उनलाई तत्काल उपचारका लागि बिर्तामोड स्थित बीएण्डसी अस्पतालमा लगिएको थियाे । आङदेम्वेकाे अस्पतालमा उपचार भइरहेकाे शर्माले बताए ।
Discussion about this post