मेचीनगर, ६ जेठ । काँकरभिट्टा खानेपानी उपभोक्ता तथा सरसफाइ संस्थाकाे आगामी जेठ २६ गते हुने राष्ट्रिय स्वतन्त्र पार्टी (रास्वपा) ले स्वतन्त्र खानेपानी उपभोक्ता समुहकाे तर्फबाट उम्मेदवार घाेषणा गरेकाे छ ।
आज काँकरभिट्टा स्थित पार्टीको वडा कार्यालयमा आयोजित पत्रकार सम्मेलनमा स्वतन्त्र खानेपानी उपभोक्ता समुहबाट उम्मेदवार घाेषणा गरिएकाे जानकारी दिएकाे हाे ।
उक्त समुहबाट अध्यक्षमा सुदर्शन खड्का (माइला), उपाध्यक्षमा कृष्ण सुवेदी (किरण), सचिवमा नरेन्द्र शिवाकोटी, काेषाध्यक्ष सुधादेवि खड्कालाई उम्मेदवार बनाइएकाे छ ।
त्यस्तै सदस्यहरूमा दिपेश तिवारी, राजकुमार गिरी, सुनिता सहनी र लक्ष्मी कटुवाल थापा उम्मेद्वार बनेका छन् ।
यसैगरी लेखा समिति संयाेजकमा भेषराज ओली र सदस्यमा विनाेद बानियाँलाई चुनावमा उठाइएकाे रास्वपाका मेचीनगर अध्यक्ष कमल गाैतमले जानकारी दिएका छन् ।
उक्त समुहले ३ जनाकाे लेखा समितिमा २ जना मात्र उठाएकाे छ ।
पत्रकार सम्मेलनमा अध्यक्षका उम्मेदवार सुदर्शन खड्काले प्रतिवद्वता मन्तव्य राखेका थिए । खड्का रास्वपाका मेचीनगर-६ का वडा अध्यक्ष समेत हुन् ।
पत्रकारकाे जिज्ञासाकाे जवाफ नगर अध्यक्ष गाैतमले दिएका थिए ।
Discussion about this post