।। अर्जुन कार्की ।।
मेचीनगर, ७ माघ । भारतको गुवाहाटी स्थित प्राग ज्वातिसफुल युनिभर्सिटीका उपकुलपति स्मृतिकुमार सिंहाले विश्वभरीको शिक्षा नीति ‘जलकुम्भी’ जस्तो नभएर ‘अश्वत्थ’मा बन्नु पर्ने बताएका छन् ।
आज काँकरभिट्टा स्थित होटल ग्राण्डमा पत्रकारसँगको भेटमा प्राग ज्वातिसफुल युनिभर्सिटीका उपकुलपति सिंहाले उक्त कुरा बताएका हुन् ।
विश्वभरीको शिक्षा नीति ‘जलकुम्भी’ को उदाहरण दिँदै भने–‘पानीमाथि फुल्ने राम्रो फुल हो, भुइसम्म जराले छुदैन । बास्ना पनि राम्रो दिँदैन । राम्रो फुल्छ । हाम्रा शिक्षा नीति यस्तै छ । तर, हुनु पर्यो ‘अश्वत्थ’मा जस्तो । भगवान गौतम बुद्वले तपस्या गरेको बृक्षको बोट पिपलको हो । शिक्षा नीति पिपलको पात जस्तो गरी फैलनु पर्छ ।’
उनका अनुसार विश्वको शिक्षा नीति राम्रो छैन । काम चलाउ छ, दीगो छैन । भारतमा विश्वविद्यालय धेरै छन् । तर, काम लाग्ने कमै छन् ।
सन २०२२ मा स्थापित प्राग ज्वातिसफुल युनिभर्सिटीले भारत सरकारले सन २०२० मा बनाएको शिक्षा नीति लागू गरेको उनले दावी गरे ।
भारतको सबै युनिभर्सिटीमा भारत ज्ञान परम्परा अनिवार्य गरिएको छ । जस्मा संस्कुत, अनुशासन, पारस्परिक सम्बन्ध, संस्कार लगायत विषयका पुस्तक पढ्नु पर्ने अनिवार्य गरिदिएको छ ।
उनले कलेजमा विद्यार्थीको चाहाना बमोजिम कस्तो विषय पढ्ने सोही अनुसारको विषय पढाई हुने बताए । उनका अनुसार ४ वर्षमा सकिने कुनै विषयको कोर्स एक–एक वर्षको सार्टिफिकेट दिने व्यवस्था र २ वर्ष पढेर बाँकी कोर्ष फेरि ग्याप गरेर पढ्न सकिने छ ।
तेजपुर युनिभर्सिटीका फाउण्डर समेत रहसिकेका सिंहाले प्राग ज्वातिसफुल युनिभर्सिटी नेपाली र अन्य मुलुकका विद्यार्थीहरुका लागि शैशिक हव रहेको बताएका छन् ।
अन्तराष्ट्रिय २ वटा पुस्तक लेखिसकेका लेखक समेत रहेका उपकुलपति सिंहाको विष्णुप्रिया मनिपुरे भाषा र सेडीयोसिंह आर्ट अन्तरगतका सेडीयुसिंघ रेनगढ र फ्रिडम लस्टिङ राइट्स पुस्तक प्रकाशित गरिसकेका छन् ।
यही माघ ५ र ६ गते जनमैत्री बहुमुखी क्याम्पस काठमाडौँले गुणस्तरीय शिक्षाको विषयमा ‘इन्टरनेसनल कनफेरेन्स’ गरेको थियो । सोही कार्यक्रममा बक्ताका रुपमा सिंहा नेपाल आएका थिए ।
उपकुलपति सिंहा र उनकी पत्नी लघुकथा लेखक सोनन्द सिंहा आज काँकरभिट्टाबाट भारत फर्किने बेला लक्ष्मी एजुकेशनल कन्सल्टेन्सीका सञ्चालक शंकर भट्टराईले पत्रकारसँग भेटघाट गराइदिएका हुन् ।
Discussion about this post