झापा, ७ माघ । एपोलो पेन्ट्स बिर्तामोड अन्तराष्ट्रिय औद्योगिक व्यापार महोत्सव आजदेखि सुरु हुँदैछ ।
मंगलबार महोत्सवको उद्घाटन कोशी प्रदेशका मुख्यमन्त्री हिक्मत कार्कीले गर्ने भएका छन् ।
बिर्तामोड नगरपालिका–५ स्थित धर्मकाटा रोड नजिकै रहेको महोत्सव माघ ८ गतेदेखि १९ गतेसम्म सञ्चालन हुनेछ ।
बिर्तामोड उद्योग बाणिज्य संघले १२ दिनसम्म लगाउने महोत्सवमा १५० वटा स्टल रहने साेमबार पत्रकार सम्मेलनमा जानकारी गराइएको छ ।
अन्तराष्ट्रिय औद्योगिक व्यापार महोत्सवमा नेपाल, भारत, भुटान, बंगलादेश, पाकिस्तान लगायतका देशहरुमा उत्पादन गरिएका कृषिका प्रशोधन र तयारी वस्तुहरुलाई स्टलको रुपमा बिक्रीका लागि राखिने संघका अध्यक्ष राजु न्यौपानेले बताए ।
पूर्वको व्यापारिक शहरले परिचित बिर्तामोडको महोत्सवमा नेपालको कृषिजन्य वस्तुको उत्पादन र प्रर्वद्धनलाई पर्यटनसँग जोडने उदेश्य रहेको उनको भनाई छ ।
खाद्य सामग्री, अर्गानिक तरकारी, मार्सी चामल, विदेशी कपडा लगायतका तयारी सामग्री स्टलमा रहनेछन् ।
छिमेकी मुलुकका उपभोक्तालाई एकैथलोबाट उपभोग्य वस्तुहरुको खरिद र दुई लाख अवलोकनकर्ताहरुको प्रत्यक्ष भेटघाटले आर्थिक गतिविधिलाई थप चलायमान बनाउन यो महोत्सव सफल हुनेमा आशावादी रहेको आयोजकको बुझाई छ ।
महोत्सवमा शिक्षकको रोहवरमा विद्यार्थी, अपाङ्गता र ज्येष्ठ नागरिहरुलाई टिकट निःशुल्क छ भने दिउँसो अवलोकन गर्नेलाई एकसय र बेलुका ४ वजेपछि दुईसय टिक लाग्ने छ ।
महोत्सवका राष्ट्रियस्तरका चर्चित कलाकारहरुको सांगातिक कार्यक्रमको प्रस्तुति रहने छ । उद्घाटन कार्यक्रममा विभिन्न जातिको भेषभुषा, बाजागाजा, झाँकी, सामाजिक संघ–संस्था, उद्योगी व्यवसायी र शुवेच्छुकहरुको सशभागितामा बिर्तामोड नगरपरिक्रमा गरिने आयोजकको भनाई छ ।
दुई लाख अवलोकनकर्ता भित्राउने लक्ष्य लिएको महोत्सवको अनुमानित खर्च एक करोड लाग्ने अध्यक्ष न्यौपानेले बताए । जुवातास, मदिरारहित मनोरञ्जन र शान्तिपूर्ण महोत्सव आयोजना हुने आयोजकको दावी छ ।
बिर्तामोड नगरपालिका संरक्षक रहेको महोत्सवमा मुख्य प्रायोजक एपोलो पेन्ट्स, सहप्रायोजकहरुमा एनसेल, सांग्रीला, डीसहोम नेट, रिजालको ट्याङ्की लगायतका कम्पनीहरु रहेका छन् ।
बिर्तामोड उद्योग बाणिज्य संघका अध्यक्ष राजु न्यौपानेको अध्यक्षतामा सम्पन्न पत्रकार सम्मेलनको स्वागत उपाध्यक्ष गोमा भट्टराईले र सञ्चालन महासचिव कुशल खतिवडाले गरेका थिए ।
Discussion about this post