मेचीनगर, १२ असार । काँकरभिट्टा खानेपानीले पानीको मुहानदेखि मुखसम्म खानेपानीलाई कसरी सुरक्षित प्रयोग गर्न सकिन्छ भनेर सरोकारवाला र विद्यार्थीसँग वहस गरेको छ ।
काँकरभिट्टा खानेपानी उपभोक्ता तथा सरसफाइ संस्थाले विहीबार र शुक्रबार विद्यार्थी तथा सरोकारवालासँग पानी सम्बन्धी जनचेतनामुलक अन्तरक्रिया कार्यक्रम गरेको हो ।
हिजो संस्थाको मेचीनगर–२, भृकुटी स्थित ट्याङ्की परिसरको हल र मेचीनगर–८, सिर्जना चोकको ट्याङ्की परिसरको हलमा स्थानीय उपभोक्ता र विद्याथीहरुसँग पानी सुरक्षा टोलीले छलफल गरेको छ ।
यसैगरी आज संस्थाकै कार्यालय परिसरको सभाहलमा पनि सोही सम्बन्धी छलफल भएको थियो । पानी सुरक्षा टोलीका संयोजक एवम् संस्थाका सचिव विशाल तामाङको अध्यक्षतामा भएको कार्यक्रममा संस्थाका अध्यक्ष रोहितकुमार बुढाथोकी, कार्यालय प्रमुख दिपक पोखरेल, उपाध्यक्ष गोविन्द गिरी र प्राविधिकहरुले उपभोक्ता र विद्याथीहरुसँग प्रश्नोत्तर कार्यक्रमसहितको वहस भएको थियो ।
पानीको मुहानदेखि मुखसम्म खानेपानीलाई कसरी सुरक्षित राख्ने, विशुद्व पानीको प्रयोग, धारा आउने सेतो, कालो र धमिलो पानी, यसको उत्पादन, क्षमता, उत्पत्ति लगायतका विषयमा घनिभूत छलफल भएको थियो ।
कार्यक्रममा मेचीनगर–५ का वडाध्यक्ष कनक कार्की, ७ का वडाध्यक्ष प्रलादमणि ओली, ८ का गिरिराज धमला, ४ का वडा सदस्य नुरबहादुर कार्की, संस्थाका अध्यक्ष बुढाथोकी, सचिव तामाङ, प्राविधिक रघुनाथ खतिवडा, पशुपति माविका प्रधानाध्यापक लक्ष्मण प्रधान, एमेटी स्कुलका प्रधानाध्यापक सुवर्ण भट्टराई लगायतले खानेपानीको समस्या र समाधानका उपायाका बारेमा चर्चा गरेका थिए ।
कार्यक्रममा भानु मावि, पशुपति मावि, सूर्योदय मावि, नर्थपोइन्ट मावि, अरुणोदय मावि, एमेटी मावि लगायतका विद्यालयबाट विद्यार्थी र शिक्षकहरुको सहभागिता रहेको थियो ।
Discussion about this post