चारआली, ९ फागुन । कोशी प्रदेश सरकारका खानेपानी, सिञ्चाई तथा उर्जा मन्त्री एकराज कार्कीले भेनियर, प्लाई र गोलिया एक अर्काको सम्बन्ध नङ्ग र मासुको जस्तो हुनु पर्ने बताएका छन् ।
आज मेचीनगर–१३ र १४ को चारआली स्थित निचाझोडा सिमसार क्षेत्रमा नेपाल भेनियर उत्पादक संघको सपथ ग्रहण तथा वनभोज कार्यक्रमका प्रमुख अतिथि मन्त्री कार्कीले भेनियर, प्लाई र गोलियाका संस्थाहरुलाई परेको समस्या समाधान गर्न सहयोग गर्ने बताए ।
उनले आर्थिक बन्दीमा पनि उत्पादन भएका भेनियर भारत निर्यात गरेर सरकारलाई कर बुझाइरहेकोमा खुशी व्यक्त गरेका थिए ।
गत माघ १२ गते सम्पन्न ८ औँ अधिवेशनले नेपाल भेनियर उत्पादक संघको केन्द्रीय अध्यक्षमा श्यामप्रसाद न्यौपाने सर्वसम्मत चयन भएका थिए ।
कार्यसमितिको वरिष्ठ उपाध्यक्ष पदमा दिनेश शाक्य, उपाध्यक्षद्वयमा विमलकुमार प्रधान र सुरेशकुमार अग्रवाल, महासचिवमा सञ्जीवकुमार वर्मा, सचिवमा लीलाकुमार न्यौपाने र कोषाध्यक्षमा अञ्जनीकुमार चौधरी चयन भएका थिए ।
त्यस्तै सदस्यहरुमा उज्जल श्रेष्ठ, विक्रम खत्री, रोनक अग्रवाल, सञ्जय शाह, राकेश शाह, राजेशकुमार अग्रवाल, सौरभ अग्रवाल र निरकुमार राई छन् ।
यसैगरी लेखा समिति संयोजकमा अमित अग्रवाल तथा सदस्यहरुमा अनुपकुमार अग्रवाल र अनुपकुमार शाह छानिएका थिए ।
आज नवनिर्वाचित अध्यक्ष न्यौपानेसहितको कार्यसमितिलाई संघका निवर्तमान अध्यक्ष दिपक पाण्डेले सपथ ग्रहण गराएको निर्वाचन अधिकृत गोपाल वस्नेतले जानकारी दिए ।
कार्यक्रममा नेपाल उद्योग बाणिज्य महासंघका केन्द्रीय सदस्यद्वय नरेन्द्रकुमार खड्का, राजकुमार कार्की, महासंघ कोशीका पूर्व अध्यक्ष टीकाराज ढकाल, महासंघका कोशी प्रदेश सदस्य ऋषिराज तिम्सिना, नेपाल वन पैदावर उत्पादक संघका सदस्य कमल कार्की, अलैँची व्यवसायी महासंघका अध्यक्ष निर्मल भट्टराई, मेची उद्योग बाणिज्य संघको अध्यक्ष खेमराज प्रसाई, झापा उद्योग बाणिज्य संघका अध्यक्ष यामबहादुर श्रेष्ठ, नेपा प्लाईउड संघका सचिव दिनेश चापागाई लगायतले सरकारको नीति ठिक नभएका कारण नेपालमा व्यवसाय गर्न सहज नभएको बताएका थिए ।
नवनिर्वाचित अध्यक्ष न्यौपानेले संघका तर्फबाट उद्योगी व्यवसायीहरुको समस्या, चुनौतिहरुको समाधान गर्दै लाने प्रतिवद्वता व्यक्त गरेका थिए ।
झापाको बिर्तामोड नगरपालिका–३ मा रहेको नेपाल भेनियर उत्पादक संघका अध्यक्ष दिपक पाण्डेको अध्यक्षतामा सम्पन्न कार्यक्रमको स्वागत वरिष्ठ उपाध्यक्ष श्यामप्रसाद न्यौपानेले र सञ्चालन महासचिव दिनेश शाक्यले गरेका थिए ।
Discussion about this post