निवृत्त राष्ट्रसेवक समाज कर्मचारीको ज्ञापनपत्र

भद्रपुर, १७ भदौ । निवृत्त राष्ट्रसेवक समाज नेपाल भद्रपुर नगर कार्य समिति झापाले कर्मचारी समायोजनको बेला प्रदान गरिएको ग्रेड रकम अवकाश प्राप्त कर्मचारीहरुलाई सजिलै उपलब्ध गराउन माग गर्दै जिल्ला प्रशासन कार्यालय झापा मार्फत प्रधानन्त्रीको कार्यालयलाई ज्ञापन पत्र बुझाएको छ ।
८०औँ पेन्सन दिवसको अवसर पारेर झापाका प्रमुख जिल्ला अधिकारीमार्फत ज्ञापन पत्र दिनुका साथै कोभिड १९ नियन्त्रणका लागि केहि थान माक्स समेत वितरण गरेको हो ।
समाजका भद्रपुर अध्यक्ष मुक्तिनाथ दाहालको नेतृत्वमा विहीबार प्रमुख जिल्ला अधिकारी श्रवणकुमार तिमिल्सनालाई उनकै कार्यकक्षमा गएर ज्ञापन पत्र बुझाइएको थियो ।
ज्ञापन पत्रमा कर्मचारी समायोजन ऐन २०७५ बमोजिम प्रदेश तथा स्थानीय तहका २ ग्रेड थप भएका सेवानिवृत्त कर्मचारीहरुलाई राष्ट्रिय किताबखानाले आदेश नभएको भन्दै प्राप्त हुने ग्रेड दिन नमानेकोले तत्काल उत्त गे्रड रकम प्राप्त गर्ने वातरण बनाइ दिन माग गरिएको छ ।
कर्मचारीले खाइपाइ आएको दुई ग्रेड बराबरको रकम समावेश गरि पेन्सन उपलब्ध गराउन किताव खानालाई अनुरोध गर्दै उक्त गे्रड प्राप्त गर्ने सहज वातावरण बनाउन सरकारसँग जोडदार माग गर्छौ भन्ने उल्लेख गरिएको छ ।
यसैवीच दिवसको अवसरमा समाजले सदरमुकाम चन्द्रगढी क्षेत्रका सयौँ सर्वसाधारणलाई ४ सय भन्दा बढी माक्स वितरण गरिएको अध्यक्ष दाहालले बताए ।