मेचीनगर, २५ कात्तिक । मेचीनगर–९ स्थित किराँतेश्वर माङहिमले किराँतेश्वर महान गुरु फाल्गुनन्दको १३७ औं जन्म जयन्तीको अवसरमा सांस्कृतिक पुजा लगायतका विविध कार्यक्रमहरु गरेको छ ।
मन्दिर परिषरमा विहीबार आयोजित कार्यक्रममा२० जना धार्मिक गुरुहरुलाई महान धर्मगुरुको जन्म जयन्ती लेखिएको टिसर्ट प्रदान गर्नुका साथै नवनिर्मित शौचालय उद्घाटन गर्दै जन्म जयन्ती मनाइएको हो ।
मेचीनगर–१० का वडाध्यक्ष सुवेशकुमार पनेरुले नगरपालिकाबाट विनियोजित २ लाख ५० हजारको लागतमा गत आ.व.मा नवनिर्मित शौचालयको उद्घाटन गरेका हुन् ।
माङहिमका अध्यक्ष कविन्द्र बिक्रम नेम्वाङको सभापतित्वमा सम्पनन कार्यक्रममा प्रमुख अतिथि पनेरु, प्रेम सम्वाहाम्फे, ओमप्रकाश खापुङ, ईन्द्र प्रधान लगायतले मन्तव्य राखेका थिए ।
कार्यक्रमको सञ्चालन डिल्लीराम लिम्बुले गरेका थिए ।
Discussion about this post