ज्यामिरगढी, ३ साउन । एकीकृत समाजवादी पार्टी (एस) का मेचीनगर उपाध्यक्ष, वडा कमिटि अध्यक्ष सहितको सिंगो टिम, नेपाली कांग्रेस र राप्रपाका नेता तथा कार्यकर्ताहरु नेकपा एमालेमा प्रवेश गरेका छन् ।
मंगलबार मेचीनगर–१५ स्थित बिरेन स्मृति प्रतिष्ठानमा आयोजित कार्यक्रममा एकीकृत समाजवादी पार्टी मेचीनगर उपाध्यक्ष चेतराज बिष्ट (चेतन), एसका वडा नम्बर १५ का अध्यक्ष प्रकाशदिप सोरेन, उपाध्यक्ष कल्याणकुमार मगर र कृष्ण दाहाल, सचिव रुहिदास राजबंशी तथा समाजवादी युवा संघका मेचीनगर अध्यक्ष रोहित कट्टेलसहित २५ जना सिंगो कमिटि एमालेमा प्रवेश गरेका हुन् ।
यसैगरी नेपाली काँग्रेसका जग्गनाथ कट्टेल, राप्रपाका उमानाथ गौतमको नेतृत्वमा अन्य नेता तथा कार्यकर्ताहरु एमालेमा प्रवेश गरेका थिए ।
उनीहरुलाई एमालेका केन्द्रीय सदस्य एवम् झापा सहइन्चार्ज रविन कोइराला, प्रदेश १ का सांसद श्रीप्रसाद मैनाली, एमाले केन्द्रिय सल्लाहकार परिषद् सदस्य भीम खवास, नगर इन्चार्ज देवकुमार राई, नगर अध्यक्ष राजु पोखरेल लगायतले पार्टीमा प्रवेश गराएका थिए ।
एमाले वडा कमिटि अध्यक्ष मुरलीधर कोइरलाको अध्यक्षतामा सम्पन्न कार्यक्रमको सञ्चालन पुजन खवासले गरेका थिए ।
Discussion about this post