मेचीनगर, १ फागुन । पूर्वराजा ज्ञानेन्द्र शाहले ‘नागरिक बचाउ महाअभियान’को दीप प्रज्ज्वलनसहित उद्घाटन गरेका छन् ।
बिएन्डसी हस्पिटलका सञ्चालक एवम् अभियन्ता दुर्गा प्रसाईले आज आयोजना गरेको कार्यक्रममा पूर्वराजा शाह आफ्नो परिवारसहित आएका थिए ।
पूर्वराजा शाहले शान्तिको प्रतीक सेता परेवाको जोडी समेत उडाएका थिए ।
उद्घाटनमा केहीबेर बसेर पूर्व राजा शाहसहित उनको परिवार कार्यक्रमस्थलबाट बाहिरिएका थिए ।
पूर्वराजा शाहले कार्यक्रममा उपस्थित सर्वसाधारणलाई हात हल्लाएर अभिवादन फर्काए तापनि सम्बोधन भने गरेनन् ।
पूर्वराजा शाह कार्यक्रमस्थलबाट हिँड्ने बित्तिकै महाअभियानका संयोजक दुर्गा प्रसाईले उद्घाटन समारोहलाई सम्बोधन गर्न सुरु गरेका थिए ।
Discussion about this post