काँकरभिट्टा, ११ बैशाख । सशस्त्र प्रहरी बल प्रस्तावित सीमा सुरक्षा गुल्म काँकरभिट्टाले हालसम्म तालिम प्राप्त कुकुरको सहयोगमा १०५ ग्राम भन्दा बढी ब्राउन सुगरसहित ११ जनालाई पक्राउ गरेको छ ।
सशस्त्र प्रहरी बल नम्बर २ गण हेडक्वार्टर भद्रपुरले हालसम्म तालिमप्राप्त कुकुरबाट काँकरभिट्टा नाकामा ११ पटकमा १०५ दशमलव ५ ग्राम प्रतिबन्धीत लागूऔषध ब्राउन सुगरसहित ११ जनालाई पक्राउ गरी कानूनी दायरामा ल्याएको जानकारी दिएको छ ।
बुधवार सशस्त्र प्रहरी बल नेपालको तालिम प्राप्त कुकुरको सहयोगमा भारतबाट नेपालतर्फ आउँदै गरेका पैदल यात्रीलाई लागुऔषधसहित पक्राउ गरेको छ ।
काँकरभिट्टा स्थित मेचीपुलमा नेपाल प्रहरी र सशस्त्र प्रहरीको संयुक्त टोलीले जाँच गर्ने क्रममा तालिमप्राप्त कुकुरले भारतबाट नेपालतर्फ आउँदै गरेका पैदल यात्री धादिङ खन्याबास–५ बस्ने २० वर्षीय विनोद तामाङलाई पक्राउ गरेको हो ।
उनको साथबाट ४३ दशमलव १५ ग्राम ब्राउन सुगर भेटिएको थियो । उनलाई आवश्यक कारवाहीका लागि इलाका प्रहरी कार्यालय काँकरभिट्टामा राखिएको छ ।
Discussion about this post