काँकरभिट्टा खानेपानीको चुनाव हुँदै

मेचीनगर, २६ जेठ । आज काँकरभिट्टा खानेपानी उपभोक्ता तथा सरसफाइ संस्थाको चुनाव हुँदैछ ।

खानेपानीको चुनाव काँकरभिट्टा माविको परिसरमा भइरहेको छ । विहान ८ वजेदेखि मतदान सुरु भएको छ । मतदान बेलुका ५ वजेसम्म सम्पन्न हुनेछ । विद्यालयको गेट बाहिर उम्मेदवारहरु मतदातालाई भोट माग्न व्यस्त छन् ।

निर्वाचन समितिका सदस्य दिपक पोखरेलका अनुसार कुल मतदाता ६ हजार ७७४ रहेका छन् । अहिले साढे १० वजेसम्ममा ९०० जनाले मतदान गरेको जानकारी दिए ।

सन्तोष आचार्यको नेतृत्वको प्रगतिशील समाजवादी संयुक्त प्यानलका साझा उम्मेदवारहरु, रोहित बुढाथोकीको नेतृत्वको लोकतान्त्रिक प्रगतिशील साझा प्यानलका उम्मेदवारहरु र सुदर्शन खड्काको नेतृत्वको स्वतन्त्र प्यानलका उम्मेदवारहरु चुनावी मैदानमा छन् ।

अध्यक्ष पदका उम्मेदवार आचार्यको टिममा उपाध्यक्ष गोविन्द्र गिरी, सचिव दिलीपजंग सुब्बा, कोषाध्यक्ष बिमला तामाङ तथा सदस्यहरु मीरा कार्की, इन्दिरा बुढाथोकी अधिकारी, तिर्थ नेपाल, पर्शुराम निरौला र डिल्लीकुमार काफ्ले छन् ।

त्यसैगरी लेखा समितिका संयोजक सोमराज ढकाल तथा सदस्यहरुमा जोस्ना राजबंशी र बालकुमार भुजेल घरदैलोमा व्यस्त छन् ।

यता अध्यक्ष पदका उम्मेदवार रोहित बुढाथोकीको टिममा उपाध्यक्ष राजु दाहाल, सचिव विशाल तामाङ, कोषाध्यक्ष बिमला देवकोटा तथा सदस्यहरुमा सीतादेवी कार्की थापा, केशरजंग भट्टराई, पवित्रा तिवारी, इन्द्रबहादुर प्रधान, संघीय लोकतान्त्रिक राष्ट्रिय मञ्चबाट पूर्णबहादुर लिम्बु छन् ।

त्यस्तै लेखा समिति संयोजकमा किशोर शर्मा भण्डारी तथा सदस्यमा विकास राउत र रीता घिमिरे रहेका छन् ।

यसैगरी, रास्वपा समुहबाट अध्यक्षमा सुदर्शन खड्का (माइला) को टिममा उपाध्यक्षमा कृष्णबहादुर सुवेदी (किरण), सचिवमा नरेन्द्र शिवाकोटी, कोषाध्यक्ष सुधादेवि खड्का घरदैलो अभियानमा जुटेका छन् । सदस्यहरूमा दिपेश तिवारी, राजकुमार गिरी, सुनिता सहनी र लक्ष्मी कटुवाल थापा चुनावी मैदानमा छन् ।

यसैगरी लेखा समिति संयोजकमा भेषराज ओली र सदस्यमा प्रज्वल गौतम चुनावी मैदानमा होमिएका छन् ।