मेचीनगर, ७ कात्तिक । आयोजक धुलाबारी रोलिङ क्लब फाइनलमा पुगेको छ ।
आयोजक क्लब धुलावारी अन्तर्राष्ट्रिय आमन्त्रण आठौँ रोलिङ च्यालेन्ज कपको फाइनलमा प्रवेश गरेको हो ।
आज धुलाबारी माविको खेल मैदानमा भएको पहिलो सेमिफाइनल खेलमा पाहुना टोली सम्राट स्पोटिङ क्लब विराटनगरमाथि ३–१ गोल अन्तरको सहज जित निकाल्दै रोलिङले फाइनलको यात्रा तय गरेको हो ।
खेलको १५ औँ मिनेटमा रोलिङ क्लबका रोहन कार्कीले पहिलो गोल गर्दै खेललाई अग्रता दिएका थिए ।
त्यस्तै, ३२ औँ मिनेटमा सम्राट स्पोटिङले पाएको पेनाल्टीलाई दोर्जे तामाङले सदुपयोग गर्दै खेललाई बराबरीमा पु¥याएका थिए ।
रोलिङ क्लबका गोल रक्षक अभिशेक बरालले विपक्षी खेलाडीलाई पेनाल्टी एरियामा फाउल गरेपछि सम्राटले पेनाल्टी पाएको थियो ।
खेलको ३६ औँ अभिशेक गुरुङले गोल गर्दै २–१ को अग्रता दिलाएका थिए । अनन्त तामाङको प्रहार विपक्षी डिफेन्सले क्लियर गर्न नसक्दा अभिशेकले मौकाको सदुपयोग गर्दै टिमलाई अग्रता दिलाएका थिए ।
खेलको ५३ औँ मिनेटमा भुवन बस्नेतले गोलरक्षकलाई बिट गर्दै गरेको प्रहारलाई गोल लाइनबाट प्रसान्त लक्समले क्लियर गरेका थिए ।
यसैगरी खेलको ५९ औँ मिनेटमा आयोजक रोलिङले पाएको पेनाल्टीलाई उत्सव राइले जाली चुमाउँदै खेललाई ३÷१ को अग्रता दिलाएका थिए । पेनाल्टी एरियामा सम्राटका अशोक खवासले उत्सवलाई फाउल गरेपछि पेनाल्टी प्राप्त गरेको थियो ।
खेलको ६२ औँ मिनेटमा सम्राटका दोर्जे तामाङले निकालेको क्रस पासलाई भुवन बस्नेतले जाली चुमाउन नसक्दा अग्रता घटाउनबाट चुकेको थियो ।
अधिकांश राष्ट्रिय खेलाडी मैदान उतारेको रोलिङले शनिवार हुने फाइनल खेलमा भोलीको बिजेतासँग प्रतिस्पर्धा गर्नेछ ।
खेलको प्लेयर अफ द म्याच रोलिङका प्रकाश लक्सम घोषित भए । उनले नगद पाँच हजार र ट्रफी पाए ।
उनलाई मेचीनगर नगरपालिकाका बरिष्ठ प्रशासकिय अधिकृत अनन्तप्रकाश वस्ती, क्लबका पूर्व अध्यक्ष महेन्द्र लिम्बू, मेचीनगर–९ का वडाध्यक्ष कन्चन तामाङ लगायतले नगद तथा ट्रफी प्रदान गरे ।
भोली हुने अन्तिम समिफाइनल खेलमा पाहुना टोली मानेभन्ज्याङ फुटबल क्लब दार्जिलिङ र रेड हर्स इलामबीच हुने आयोजक रोलिङ क्लबका सचिव महेश खड्काले बताए ।
Discussion about this post