मेचीनगर, २१ पुस । शनिवार साँझ पश्चिमबाट पूर्वतर्फ आउदै गरेको भारतीय नम्बरको स्कारपियो गाडीले काँकरभिट्टामा पैदल यात्रीलाई ठक्कर दिँदा मृत्यु भएको छ ।
हिजो साँझ साढे ५ वजे पूर्वपपश्चिम राजमार्गको ईटाभट्टाबाट भारतको पानिट्याङ्कीतर्फ आउदै गरेको डव्लुवी ७४ वीएन ६८८५ नम्बरको स्कारपियो गाडीले मेचीनगर–६ साठ्ठी विघा बस्ने ६५ वर्षीया माला थापालाई रोड क्रस गर्ने क्रममा फायरिङ चोक छेउमा ठक्कर दिँदा घाइते भएको जिल्ला ट्राफिक प्रहरी कार्यालय झापाले जनाएको छ ।
दुर्घटना भएको स्थल ट्राफिक प्ररहरी पोष्ट काँकरभिट्टाबाट ५०० मिटर पूर्व रहेको थियो । घाइते थापालाई पाउने ६ वजे बिर्तामोड स्थित बिर्तासिटी अस्पताल लगिएको थियो ।
उनको उपचारको क्रममा राति साढे १० वजे मृत्यु भएको प्रहरीले जानकारी दिएको हो । घाइतेको टाउँको र बायाँ हातको औलामा चोट लागेको थियो । स्कार्पीयो गाडी र चालकलाई इलाका प्रहरी कार्यालय काँकरभिट्टाको नियन्त्रणमा राखिएको छ ।
उनको शव पोष्टमाटमका लागि भद्रपुर लगिएको छ । आज दिउँसो साढे १ वजे स्थानीय मेची तटमा अन्त्यष्टि गरिने परिवारले जनाएको छ ।
उनका छोरा–वुहारी नवराज र नेहा थापा छन् । उनका पति काँकरभिट्टाका तत्कालिन गाउँ पञ्चायतका वडाध्यक्ष लक्ष्मण थापाको यसअघि नै निधन भइसकेको छ । लक्ष्मणका दुई जना पत्नी हुन् ।
Discussion about this post