पत्रकार राजबंशीसहित कर्मचारी र उद्यमी सम्मानित

मेचीनगर, ७ चैत । मेची उद्योग बाणिज्य संघले स्थापना गरेको आर्थिक पत्रकारिता पुरस्कारबाट पत्रकार सुष्मा राजबंशी सम्मानित भएकी छन् ।

आज धुलाबारी स्थित होटल रोयल निर्भाणमा संघको २० औँ बार्षिक साधारण सभामा पत्रकार राजबंशीलाई सम्मान गरिएको हो । उनले नगद २१ हजारसहित प्रमाणपत्र पाएकी छन् । त्यस्तै, उत्कृष्ट उद्योमीका रूपमा महावीर अग्रवाललाई सम्मान गरिएको छ ।

उत्कृष्ट कर्मचारीमा नगद १५ हजारसहित गंगा विकलाई पुरस्कृत गरिएको छ । यसैगरी, एम्बुलेन्स चालक मिनबहादुर खड्कालाई १६ लाख ५२ हजार नगदसहित उपदान दिएर विदाई गरिएको छ ।

चुनावसम्म यही सरकार स्थिर रहन्छ : सांसद तामाङ

कार्यक्रममा प्रमुख अतिथि कोशी प्रदेशका सांसद गोपाल तामाङले अबको ३ वर्षसम्म यही सरकार स्थिर सरकारका रुपमा रहने बताएका छन् । नेपाली कांग्रेस कोशी प्रदेशका सचेतक समेत रहेका तामाङले आगामी चुनावसम्म स्थिर सरकारका रुपमा रहने बताए ।
उनले विगतमा धुलाबारीको चर्चित हङकङ मार्केट र काँकरभिट्टाको सुपारी लाइनलाई व्यवस्थित गर्न नसक्दा व्यवसायीहरु पलायन भएर गएकोमा दुःख व्यक्त गरेका थिए ।

व्यापार सम्झौता संशोधन गर्नु पर्छ : मेयर बुढाथोकी

कार्यक्रममा मेचीनगर नगरप्रमुख गोपालचन्द बुढाथोकी उद्योग, व्यापार गर्न राष्ट्रिय नीति चाहिने बताए । उनले व्यापारको हितका लागि भारत र नेपालको व्यापार सम्धी र सम्झौता संशोधन गर्नु पर्ने बताए ।

एशियन हाइवे काँकरभिट्टा चिनिदै छ : पूर्व मेयर आचार्य

पूर्व नगरप्रमुख विमल आचार्यले एशियन हाइवेले काँकरभिट्टाबाट म्यानमार, थाइल्यान्ड जाने बाटो जोडिदै गरेको बताए ।

ओलाङचुङगोला नाका खोल्नु पर्छ : पूर्व अध्यक्ष पाण्डे

मेची उद्योग बाणिज्य संघका पूर्व अध्यक्ष केशवराज पाण्डेले किमाथांका नाका सूचारू भयो, तर ओलाङचुङगोला नाका नखोलेकोले व्यापार गर्न असहज भएको बताए । उनले मेचीनगरमा औधौगीक करिडोर बनाउनु पर्ने बताए ।

राज्यले हेर्ने दृष्टिकोण ठिक भएन : अध्यक्ष न्यौपाने

बिर्तामोड उद्योग बाणिज्य संघ अध्यक्ष राजु न्यौपानेले राज्यले हेर्ने दृष्टिकोण ठिक नभएको बताए ।

कार्यक्रममा पत्रकार राजबंशीको घोषणासहित प्रमाणपत्र बाचन छनोट समितिका सदस्य एवम् नेपाल पत्रकार महासंघ झापा अध्यक्ष एकराज गिरीले र उत्कृष्ट उद्यमी महावीरको संघका पूर्व निवर्तमान अध्यक्ष ऋषिराज तिम्सिनाले गरेका थिए ।

भवन बनाउन सहयोग घोषणा

सोही अवसरमा संघको ४ कठ्ठा जग्गामा भवन बनाउन पूर्व अध्यक्ष पाण्डे र व्यवसायी महावीरले १÷१ लाख रूपैयाँ दिने घोषणा गरेका छन् । यसका लागि सबैले सहयोग गर्न समेत पाण्डेले आग्रह गरेका छन् ।

मेची उद्योग बाणिज्य संघका अध्यक्ष खेमराज प्रसाईंले स्वागतसहित प्रतिवेदन प्रस्तुत गरेका थिए । कार्यक्रमको धन्यवादसहित समापन वरिष्ठ उपाध्यक्ष किशोर क्षेत्री (कपिल) ले र सञ्चालन महासचिव दिनेश शाक्यले गरेका थिए ।