मेचीनगर, २१ चैत । धुलाबारीमा रहेको मेचीनगर आधारभूत अस्पतालमा आजदेखि थप भिडियो एक्सरे सेवा पनि विस्तार गरिएको छ ।
विहीबार मेचीनगर नगरपालिकाका प्रमुख गोपालचन्द्र बुढाथोकी, उपप्रमुख मीना पोखरेल उप्रेती, वरिष्ठ प्रशासकीय अधिकृत अनन्तप्रकाश वस्ती लगायतले भिडियो एक्सरे र अस्पतालकाे अवलाेकन तथा निरीक्षण गरेका थिए ।
भिडियो एक्सरे सेवा दैनिक विहान ८ वजेदेखि उपलब्ध हुनेछ ।
यस अघिदेखि अस्पतालमा विशेषज्ञ सेवाहरुमा प्रत्येक मंगलबार स्त्री रोग तथा प्रसुती सेवा, विहीबार बालरोग तथा नाक, कान र घाँटीको सेवा, शुक्रबार जनरल फिजिसियन सेवा, दैनिक विहान ६ वजेदेखि ओपिडी सेवा, ईसीजी, युएसजी सेवा, बीमा तथा अन्य निःशुल्क सेवाहरु विशेषज्ञ र एमवीवीएस डाक्टरहरुबाट दिँदै आएको छ ।
आगामी बैशाख दोस्रो हप्तादेखि थप १५ वेडमा विरामी भर्ना गरिने, थाइराइड र २४ सै घण्टा आकस्मिक सेवा दिइने नगरपालिकाकी स्वास्थ्य शाखा प्रमुख सविता सापकोटाले बताइन् ।
अस्पताल परिसरमा बनिएको १५ वेडको नयाँ सामुदायिक बहुउदेश्यीय भवनबाट अब चाँडै सेवा सुरु गरिने बताइएको छ । नगर अस्पताल सुरु भएदेखि सात महिनामा ६२ हजार ८७७ जना विरामीले विभिन्न सेवा लिएको उनले जानकारी दिइन् ।
गत भदौ ४ गतेदेखि फागुन सम्ममा ६२ हजार ८७७ जना विरामी मध्ये १९ हजार ५०५ जनाले ल्याव सेवा लिएको, २२३४ जनाले युएसजी सेवा, ८४८ जनाले ईसीजी सेवा र २७५ जना विरामीले इमरजेन्सीमा सेवा लिएको सापकोटाले बताइन् ।
Discussion about this post