झापा, ७ बैशाख । राष्ट्रिय प्रजातन्त्र पार्टी (राप्रपा) अध्यक्ष राजेन्द्र लिङदेनसहित ७ जना नेताहरुलाई नियन्त्रणमा लिएको छ ।
लिङदेनसहित राप्रपाका उपाध्यक्ष बुद्धिमान तामाङ, प्रमुख सचेतक ज्ञानेन्द्र शाही लगायलाई प्रहरीले नियन्त्रणमा लिएको हो ।
उनीहरूले सिंहदबार स्थित संसदीय दलको कार्यालय परिसरबाटै सरकारको विरोध गरेका थिए ।
दलको कार्यालयबाट बाहिरिँदै बानेश्वरतर्फ जान लागेको बेलामा विरोध जनाएपछि प्रहरीले नियन्त्रणमा लिएको हो । उनीहरुले यसअघि नै सामूहिक गिरफ्तारी दिने बताएका थिए ।
तीनकुने घटनामा न्यायिक छानबिन आयोग बनाउनु पर्ने, पक्राउ परेका नेताहरूलाई छाड्नुपर्नेलगायत उनीहरूको माग छ ।
पक्राउ पर्ने ७ जना नेताहरुमा अध्यक्ष लिङदेन, उपाध्यक्ष बुद्धिमान तामाङ, प्रमुख सचेतक ज्ञानेन्द्र शाही, अमर परियार, सरोज घिमिरे, किरण दुवाल र कैलाश कटवाल रहेका छन् ।
ती ७ जना नेताहरुलाई नियन्त्रणमा लिएको परिसरका एसपी तथा प्रवक्ता अपीलराज बोहराले जानकारी दिए ।
Discussion about this post