झापा, २३ भदौ । जेन जी आन्दोलनका क्रममा अहिलेसम्म १७ जनाले ज्यान गुमाएका छन् ।
नयाँ बानेश्वरस्थित संसद भवन हाताभित्र प्रवेश गरेका प्रदर्शनकारीमध्ये एकले त्यहीँ ज्यान गुमाएका छन् भने त्यहाँ घाइते भएर विभिन्न अस्पताल पु¥याइएकामध्ये १७ को मृत्यु भएको प्रहरी स्रोतले जनाएको छ ।
सबभन्दा बढी राष्ट्रिय ट्रमा सेन्टरमा ९ जनाको मृत्यु भइसकेको छ । नयाँ बानेश्वरस्थित एभरेष्ट अस्पतालमा ३, सिभिल अस्पतालमा उपचारका क्रममा ३, सिनामंगलस्थित केएमसी र त्रिवि शिक्षण अस्पताल महाराजगञ्जमा १–१ को ज्यान गएको छ ।
प्रदर्शनकारी, सशस्त्र र नेपाल प्रहरीका कर्मचारी गरी करिव एकसय जना घाइते भएका छन् । उनीहरूको विवरण आउन सकेको छैन ।
घाइतेको अत्यधिक चाप बढेपछि मीनभवन स्थित सिभिल अस्पतालले विभिन्न अस्पतालमा घाइते रिफर गरिरहेको छ । विभिन्न अस्पतालमा घाइते भएकालाई पनि सिभिल अस्पतालले रिभर गरेर त्यहाँ पठाएको थियो ।
हालसम्म कोहीको पनि मृतकको वतन खुलेको छैन प्रहरी टोलीले विभिन्न अस्पतालमा मुचुल्का उठाइरहेको अवस्था छ ।
आन्दोलनले देशव्यापी रुप लिएको छ । देशका विभिन्न जिल्लामा प्रहरीको गोली लागेर आन्दोलनकारी घाइते भएका छन् । झापाको बिर्तामोड, दमकसहित पोखरा लगायतका स्थानमा विरोध प्रदर्शनका क्रममा आन्दोलनकारी घाइते भएका हुन् ।
Discussion about this post