मेचीनगर, २३ भदौ । कालिका सामुदायिक वन उपभोक्ता समूह मेचीनगर–११ र १२ को अध्यक्षमा वीरबहादुर तामाङ (ज्ञानु) निर्वाचित भएका छन् ।
अध्यक्षमा तामाङले ८३८ मत ल्याएर विजयी भएका हुन् । उनले प्रतिस्पर्धी एमालेका खेमराज राईलाई २०३ मतान्तरले पाखा लागाउँदै ३ वर्षे कार्यकालको नेतृत्व लिए । राईले ६३५ मत प्राप्त गरेका थिए ।
समिति उपाध्यक्षमा श्रृष्टी मेचेलाई पाखा लाउँदै लीला मावो लिम्बुले ७६९ मत ल्याएर बिजय भएकी छन् । सचिवमा खगमाया शिवाकोटीलाई १११ मतले उछिन्दै बालिका न्यौपाने (लम्साल) ले कार्याभार हात पारिन् । सहसचिवमा लालबहादुर कार्कीलाई १११ मतान्तरले पराजित गर्दै हरिकुमार पाठक विजय बनेका छन् ।
कोषाध्यक्षमा पदमा साझा प्यानलका साउन मेचे (बादल) लाई पछि पार्दै लोकतान्त्रिक प्रगतिशील प्यानलका सन्दिप तिम्सिना बिजयी भएका छन् । उनले मेचेलाई २ मतले पाखा लगाएका हुन् । तिम्सिना एमालेका हुन् ।
त्यस्तै लेखा समितिको संयोजकमा कविलाल मेचेले १८० मतान्तरले भवानीशंकर पौडेललाई पराजित गरेका छन् । सदस्यहरुमा कल्पना विष्ट र इन्द्रकमार खतिवडाको मतान्तरले महिला सदस्य मैया आचार्य र खुल्ला सदस्यमा बुद्धिलाल मेचे क्रमशः ६७ मतान्तरले बिजयी भएको निर्वाचन संयोजक सन्तोष मेचेले जानकारी दिए ।
क्षेत्र नम्बर १ का लागि इन्दिरा पौडेल र मानबहादुर बानियाँ, क्षेत्र नम्बर २ का लागि देविमाया प्रसाईं र डिल्लीराम अधिकारी, क्षेत्र नम्बर ३ का लागि रीता सिलवाल र लोकबहादुर मेचे, क्षेत्र नम्बर ४ का लागि आशा थारु चौधरी, क्षेत्र नम्बर ५ का लागि मिलनकुमार माबो र क्षेत्र नम्बर ६ का लागि पदमप्रसाद लामिछाने प्रतिनिधिका रुपमा विजयी भएका छन् ।
निर्वाचनमा लोकतान्त्रिक प्रगतिशील प्यानलका कोषाध्यक्ष र २ जना वडा सदस्य बाहेक कार्यसमिति पदाधिकारी, सदस्य र लेखा समिति संयोजक सदस्यसहित साझा प्यानलका सबै विजयी भएका हुन् ।
साझा प्यानलमा नेपाली कांग्रेस, नेकपा माओवादी केन्द्र, राष्ट्रिय स्वतन्त्र पार्टी, जनता समाजवादी पार्टी लगायतका पार्टीको गठबन्धन रहेको थियो ।
Discussion about this post