मेचीनगर, १६ माघ । जिल्ला प्रशासन कार्यालय झापाले क्षेत्र नं.१ मा राष्ट्रिय स्वतन्त्र पार्टी (रास्वपा)ले सञ्चालन गरेको घरदैलो कार्यक्रम रोकेको छ ।
काँकरभिट्टा क्षेत्रमा विहबिार घरदैलो भइरहेको स्थानमा प्रहरी पुगेर प्रशासनको आदेश भन्दै कार्यक्रममा रोक लगाएको हो ।
जिल्ला प्रशासन कार्यालय झापाले निर्वाचन आचारसंहिता विपरीतका गतिविधि भएकाले उक्त कदम चाल्नु परेको स्पष्ट पारेको छ ।
सहायक प्रमुख जिल्ला अधिकारी तेजप्रकाश प्रसाईले आचारसंहिता उल्लंघन गरी प्रचारप्रसार गरिएको र विभिन्न स्थानमा मापदण्ड विपरितका ब्यानरहरू राखिएकाले तिनलाई हटाउनुका साथै कार्यक्रम रोकिएको छ ।
निर्वाचन आचारसंहिता सबै राजनीतिक दलका लागि समान हुने भएकाले कसैले पनि यसको उल्लंघन गर्न नपाउने उनको भनाई छ । प्रशासनको यस प्रकारको कदमलाई ‘विभेदकारी’ भन्दै रास्वपाले आपत्ति जनाएको छ ।
आगामी फागुन २१ गते प्रतिनिधि सभा सदस्यको चुनाव हुँदैछ ।
Discussion about this post