करिव २ करोडमा नदीजन्य पदार्थ उत्खननको ठेक्का

मेचीनगर, ६ चैत । मेचीनगरको नदीजन्य पदार्थ उत्खननका लागि यसपटक तीन वटा प्याकेजको रुपमा ठेक्का लागेको छ ।

मेची, निन्दा तथा हडिया-टिमाई खोलाबाट उत्खनन् गरिने ढुंगा, गिटी र बालुवालाई तीन वटा प्याकेजको रुपमा विभाजन गरी ठेक्का लगाइएको हो ।

मेचीनगर नगरपालिका आर्थिक विकास शाखाका प्रमुख दिपेन्द्र कार्कीका अनुसार मेची खोलाबाट उत्खनन् गरिने ढुंगा, गिटी र बालुवालाई प्याकेज-१ का रुपमा ठेक्का लगाइएको छ ।

त्यस्तै निन्दा खोलाबाट उत्खनन् गरिने ढुंगा, गिटी र बालुवालाई प्याकेज-२ र हडिया-टिमाई खाेलालाई प्याकेज-३ का रुपमा ठेक्का लगाइएको उनको भनाई छ ।

प्याकेज-१ का रुपमा मेचीनगर-१, ४ र १५ नम्बर वडाकाे प्रसाद गाैँडा, सारू गाैँडा, डिल्ली गाैँडा र पाहन गाउँ पूर्व मेची बगर खोलाकाे ६७ लाख ५२ हजार ४५ रूपैयाँ ४९ पैसामा २९,९६.७ घनमिटर उत्खनन् गर्न ठेक्का दिइएकाे छ ।

यस्तै प्याकेज-२ मा मेचीनगर-३, ७, ८, १० र १५ नम्बर वडाकाे निन्दा खाेलाकाे निन्दा रिभरल्याण्ड, निन्दा टिमाई दाेभान दक्षिण, सुनगाभा टाेल निन्दा बगर, रघुविरवाडी (माेहनकित्ता) र निन्दा हडिया दाेभान उत्तरकाे २३,९१५.५१ घनमिटर उत्खननका लागि ५३ लाख ६६ हजार २३५ रूपैयाँ ७५ पैसामा ठेक्का दिइएकाे छ ।

यसैगरी, प्याकेज-३ काे क र ख कारूपमा मेचीनगर-९, ११, १२, १४ र १५ नम्बर वडाकाे हडिया खाेला ´क` अन्तरगत रितिका डेरी पूर्व, कालिका सिमसार पश्चिम र मेघा सिमेन्ट नजिक बगरकाे ५००८.३६ घनमिटर उत्खनन् गर्न ठेक्का दिएकाे छ ।

यस्तै प्याकेज-३ कै ´ख` मा मेचीनगर-९ नम्बर वडाकाे टिमाई खाेला अन्तरगत नैनाखाल पूर्व, नैनाखाल दक्षिण र पशुपति गाउँ पूर्व टिमाई खाेलाकाे १६,९५०.१९ घनमिटर ढुंगा, गिटी र बालुवा उत्खननका लागि क र ख काे कुल ४९ लाख ३२ हजार ७९१ रूपैयाँ १८ पैसामा मु.अ.कर बाहेक बार्षिक ठेक्का लागेकाे कार्कीले बताए ।

तीनवटै क्षेत्रमा मेसिनरी उपकरण र श्रममुलक प्रविधिबाट उत्खनन् गर्न पाइनेछ ।

सबै क्षेत्रहरुमा उत्खनन् गर्दा प्रतिवेदनमा दिएको लम्बाई, चौडाई र गहिराई भन्दा बाहेक फरक नपर्ने गरी ठुला तथा साना उपकरण प्रयोग गरेर कार्यअघि बढाउने ठेकेदार कम्पनीसँग सम्झौता रहेको छ ।

कार्यालयको अध्ययन टोलीको स्थलगत अध्ययन, अवलोकन र अघिल्लो वर्षको प्रारम्भिक वातावरणीय परीक्षणको प्रतिवेदनलाई आधारमानी गरिएको र विभिन्न नदीजन्य पदार्थको दर निर्धारणका लागि कोशी प्रदेश आर्थिक ऐन २०८१/०८२ अन्तरगत संकलन दर लागू गरिएको छ ।

चालू आर्थिक वर्ष २०८२/८३ का लागि तीन वटा प्याकेजकाे कुल एक कराेड ९७ लाख ४ हजार २७२ रूपैयाँ ४२ पैसामा ठेक्का लागेकाे नगरपालिकाले जनाएकाे छ ।

गतवर्ष सिलीगुडी-झापा पेट्रोलियम पाइप लाइनका लागि आयल निगम र एशियन हाइवे अन्तरगत काँकरभिट्टा-लाैकही सडक निर्माणका लागि नगरपालिकासँग नदीजन्य पदार्थ उत्खननका लागि ठेक्का लिएकाे थियाे ।