भद्रपुर, २१ भदौ । सशस्त्र प्रहरी बलको भद्रपुरस्थित २ नं. गणमा मेगा बैंकले एटीएम सुविधा पुर्याएको छ ।
गणको मूलढोका बाहिर सुरु भएको एटीएम सेवाको आज एक समारोहबीच सशस्त्र प्रहरी बल २ नं. हेडक्वाटरका सशस्त्र प्रहरी उपरीक्षक रमेशकुमार पाण्डेले उद्घाटन गरे ।
सो अवसरमा बैंकका प्रदेश नं. १ का मेनेजर विवेक न्यौपाने लगायतको उपस्थिति थियो ।
कोरोना महामारीका बेला बैंकबाट नगद झिक्न सजिलो होस् भनेर मेगा बैंकले एटीएम राखिदिएको पाण्डेले बताएका छन् ।
गणमा आवद्ध ६०० भन्दा बढीले बैंकमा खाता खोल्ने र एटीएम लगायतको सुविधा उपयोग गर्ने आशा गरिएको बैंकका प्रादेशिक मेनेजर न्यौपानेले बताए ।
Discussion about this post