मेचीनगरमा राप्रपाको गतिविधि तिब्र 

ईटाभट्टा, २५ भदौ । पछिल्लो समय राप्रपा मेचीनगर समितिले नगरमा आफ्नो गतिविधि तिब्र बनाउदै लगेको छ ।

केन्द्रिय महाधिवेशन नजिकिदै गर्दा नगरमा एक हजार भन्दाबढी कार्यकर्ता तयार गर्ने लक्ष्यका साथ पार्टी लागेको छ ।

गत चैतमा महिलाले पार्टी नेतृत्व हाक्न थालेपछि भर्खरै राप्रपा मेचीनगर समितिले पूर्णता पाएको छ ।

गत चैतमा सम्पन्न नगर अधिवेशनबाट चुनिएको नयाँ समितिले बाँकी रहेका पदाधिकारी तथा सदस्यहरुको मनोनयन गर्दै नगर समितिलाई पूर्णता दिएको हो ।

शुक्रबार मेचीनगर–७ जोरसिमल स्थित राप्रपा मेचीनगर र क्षेत्रीय कार्यालयमा आयोजित पत्रकार सम्मेलन मार्फत उक्त जानकारी गराइएको थियो ।

गत चैत ६ गते सम्पन्न पार्टीको नगर अधिवेशनले सबिना बजगाईंको अध्यक्षतामा १७ सदस्यीय नगर समिति चयन गरेको थियो । साउन २९ र ३० गते सम्पन्न पार्टीको भेलाले नगर समितिमा थप २६ जना पदाधिकारीहरु मनोनय गर्दै ४३ सदस्यीय नगर समिति गठन गरेकोे छ ।

बजगाईं अध्यक्ष रहेको समितिको उपाध्यक्षद्वयमा घनश्याम लामिछाने (वडा नं.७) र होम विष्ट (वडा नं.६), सचिवमा विशालकृष्ण बाँस्तोला (वडा न.ं२), सहसचिवमा राम भारती (वडा न.ं१०) तथा कोषाध्यक्षमा डम्बरकुमारी राउत (वडा न.ं१५) रहेका छन् ।

विधानमा ३ उपाध्यक्ष, २ सचिव रहने नगर समितिमा थप एक÷एक जना उपाध्यक्ष र सचिव पछि मनोनित गरिने बताइएको छ ।

नगर भेलामा प्रमुुख अतिथि पार्टीकी केन्द्रीय सदस्य माया गुरुङ, विशेष अतिथिहरु पार्टीका प्रदेश सदस्य कल्याण खड्का, जिल्ला सदस्यहरु सुशिल आचार्य, सुनिता शर्मा, राजन प्रसाईं, शारदा पराजुली, क्षेत्र ‘क’ अध्यक्ष राजकुमार राई, क्षेत्र ‘ख’ अध्यक्ष दिपेश राई (गोरे भाई) लगायतको सहभागितामा सम्पन्न भएको पार्टीका नगर समिति सचिव बाँस्तोलाले पत्रकार सम्मेलनमा जानकारी गराएका थिए ।

अध्यक्ष बजगाईंले शनिबार नगरमा पार्टीको भातृ संगठन राष्ट्रिय प्रजातन्त्र विद्यार्थी संघ, र केहिदिनमा महिला तथा युवा कमिटी निर्माण गर्ने तयारी रहेकोे बताइन् ।

बजगाईंले आगामी निर्वाचनलाई लक्षीत गरी नगरको सबै वडामा समिति गठन गरिएको बताउँदै जनप्रतिनिधि छनोटका लागि वडागत उम्मेद्वारी तय गर्ने गरिको आन्तरिक गृहकार्यसमेत सुरु गरि सकिएको बताइन्् ।

झापामा राप्रपाको प्रकट क्षेत्र रहेको कचनकवल, हल्दीबारी र गौरीगञ्ज गाउँपालिकामा जस्तै मेचीनगरमा पनि संगठन विस्तारका साथै आगामी चुनावमा नगरको नेतृत्व गर्ने गरिको तयारी गरिरहेको अध्यक्ष बजगाईंले दावी गरिन ।