झापा, १२ मंसिर । झापा, १२ मंसिर । नेपाली कांग्रेस झापाको सभापति पदमा देउमान थेबे बिजयी भएका छन् ।
१३८ मत गणना हुन बाँकी रहँदा थेबे आफ्ना प्रतिष्पर्धी उम्मेद्वार राम कट्टेलले पाएको मतभन्दा १८३ मतले अगाडि छन् ।
अबको गणनामा जस्तोसुकै नतिजा आए पनि थेबेको जित अब रोकिदैन । अहिलेसम्म ३१७३ मत गणना भइसकेको छ ।
कनकाई निवासी उनले १६६३ मत प्राप्त गरेका छन् ।
सभापति पदका अर्का उम्मेद्वार कट्टेल उपबिजयी बनेका छन् ।
मेचीनगर निवासी उनले अहिलेसम्मको गणना अनुसार १४३६ मत प्राप्त गरेका छन् ।
थेबेको प्यानलै बिजयी
अहिलेसम्मको मतगणना अनुसार थेबे प्यानलका पदाधिकारीका उम्मेद्वारहरुले बिजयी बन्नका लागि आवश्यक मत प्राप्त गरिसकेका छन् ।
उनीहरु चुनावमा बिजयी बनेका छन् । तथापि अन्तिम गणना भएपछि मात्र निर्वाचन समितिले बिजयी घोषणा गर्नेछ ।
ताजा परिणाम अनुसार नेपाली कांग्रेस झापाका उपसभापति केशवराज पाण्डेले १७९१, शेरबहादुर भट्टराईले १५८३ मत, प्रेम सम्बाहाम्फेले १३७३ मत र शमशेर गिरीले ११९० मत प्राप्त गरेका छन् ।
थेबे प्यानलका उम्मेद्वार पाण्डे र भट्टराई बिजयी भइसकेका छन् ।
सचिव पदमा नविन बिमलीले १७३१ मत, कृष्ण हुमागाईले १५८० मत, विश्वदीप लिङ्देनले १४०४ मत र टोमलाल राजबंशीले १२७६ मत प्राप्त गरेका छन् ।
थेबे प्यानलकै बिमली र हुमागाई बिजयी भएका छन् ।
थेबे प्यानलकै सहसचिव पदका उम्मेद्वार कमल भण्डारी (१६६५ मत) र कालेन्द्र राजबंशी (१६६० मत) ल्याएर बिजयी भएका छन् । सहसचिव पदका उपबिजयी पदम लिम्बुले १३२१ मत र उमाराम प्रसाईले १३०० मत प्राप्त गरेका छन् ।
Discussion about this post