झापा, १२ मंसिर । नेपाली कांग्रेस झापाको सभापति पदमा देउमान थेबे बिजयी भएका छन् ।
मतगणनाको अन्तिम परिणाम अनुसार उनले १७६५ मत प्राप्त गरेका छन् ।
सभापति पदका अर्का उम्मेद्वार राम कट्टेल उपबिजयी बनेका छन् ।
मेचीनगर निवासी उनले १५१५ मत प्राप्त गरे ।
यसैगरी, उपसभापति पदमा केशवराज पाण्डे र शेरबहादुर भट्टराई बिजयी भएका छन् ।
मेचीनगर निवासी पाण्डेले १८८९ मत र दमक निवासी भट्टराईले १६७४ मत प्राप्त गरेका छन् ।
उपसभापति पदमा प्रेम सम्बाहाम्फे (१४१५ मत) र शमशेर गिरी (१२२१ मत) पाएर उपबिजयी भएका छन् ।
सचिव पदमा नविन बिमली (१८३८ मत) र कृष्ण हुमागाई (१६७६ मत) पाएर बिजयी भएका छन् ।
सोही पदमा विश्वदीप लिङ्देन (१४३१ मत) र टोमलाल राजबंशी (१३२१ मत) उपबिजयी भएका छन् ।
त्यसैगरी, सहसचिव पदमा कालेन्द्रप्रसाद सिंह राजबंशी (१७६५ मत) र कमल प्रसाद भण्डारी (१६६० मत) पाएर बिजयी भएका छन् ।
उक्त पदमा पदम लिम्बु (१३४७ मत) उमाराम प्रसाई (१३३७ मत) पाएर उपबिजयी बनेका छन् ।
निर्वाचन समितिले नतिजा औपचारिक रुपमा घोषणा गर्न बाँकी छ ।
मतगणना कार्य सकिएको छ । निर्वाचन समितिले केहीबेरमा औपचारिक रुपमा परिणाम घोषणा गर्ने जनाएको छ ।
Discussion about this post