रोटरी र रोट्रयाक्ट काँकरभिट्टाको पदभार ग्रहण

काँकरभिट्टा, १५ साउन । रोटरी क्लब अफ काँकरभिट्टाको १३औँ तथा रोट्रयाक्टकको ७ औँ पदस्थापन कार्यक्रम संयुक्तरुपमा शनिबार सम्पन्न भएको छ ।

रोटरी सन् २०२२÷२०२३ को नयाँ नेतृत्वले शनिबारबाट आफ्नो पदभार ग्रहण गरेको हो ।

काँकरभिट्टा खानेपानी संस्थाको सभाहलमा आयोजित कार्यक्रमको उद्घाटन प्रमुख अतिथि मेचीनगर नगरपालिका प्रमुख गोपालचन्द्र बुढाथोकी र विशिष्ट अतिथि जोन ३९ का एजी निकिता गिरीले सन् २०२२÷२०२३ को रोटरी थिम व्यानर खोलेर संयुक्तरुपमा गरेका थिए ।

कार्यक्रममा सन् २०२१÷२०२२ अध्यक्ष रोहितकुमार बुढाथोकीले आफ्नो कार्यकालमा क्लबले गरेका विविध गतिविधिहरुका बारेमा जानकारी गराए । प्रमुख अतिथि नगरप्रमुख बुढाथोकी र जोन ३९ का एजी गिरीले सन् २०२२÷२०२३ को अध्यक्ष सुजन प्रधानलाई क्लबको चार्टर सर्टिफिकेट, कलर, ग्यावल हस्तान्तरणसहित गोपनियताको सपथ गराए ।

आफ्नो सपथ ग्रहणपछि अध्यक्ष प्रधानले आफ्नो टिमका सवै पदाधिकारीहरुको नाम घोषणा गर्दै पद तथा गोपनियताको सपथ गराएका थिए ।
यसैगरी, रोट्रयाक्ट क्लब अफ काँकरभिटाको सन् २०२१÷२०२२ अध्यक्ष पेमा तामाङले सन् २०२२÷२०२३ को अध्यक्ष इञ्जिनियर डालीम खड्कालाई पद हस्तान्तरण गरे । सन् २०२२÷२०२३ को अध्यक्ष खड्कालाई निवर्तमान अध्यक्ष तामाङ र डिष्ट्रीक रोट्रयाक्ट कमिटी सदस्य शरद जोशीले संयुक्तरुपमा क्लबको चार्टर सर्टिफिकेट, कलर, ग्यावल हस्तान्तरण गरे ।

रोटरी इन्टरनेश्नल डिष्ट्रीक ३२९२ नेपाल भुटान अन्तर्गत रोटरी क्लब अफ काँकरभिट्टाको सन् २०२१÷२०२२ र सन् २०२२÷२०२३ सचिव क्रमशः उदयकुमार श्रेष्ठ र भगिरथ राई, रोट्रयाक्ट क्लब अफ काँकरभिटाको सन् २०२१÷२०२२ सचिव रोजिना पोखरेलले संयुक्तरुपमा सञ्चालन गरेको कार्यक्रममा नगरप्रमुख बुढाथोकीले रोटरीले विभिन्न क्षेत्रमा पुर्याएको योगदानको प्रंशसा गदैं आगामी दिनमा समेत स्थानीय सरकार रोटरीसँगै हुने प्रतिवद्घता व्यक्त गरे ।

प्रेसिडेन्ट इलेक्ट इञ्जिनियर रुद्र मैनालीले स्वागत गरेको कार्यक्रममा विशिष्ट अतिथि जोन ३९ का एजी निकिता गिरी, डिष्ट्रीक रोट्रयाक्ट कमिटी सदस्य शरद जोशी लगायतले शुभकामना मन्तव्य व्यक्त गरेका थिए । सर्जन्ट एट आम्र्स कृष्ण पौडेलले टोस्ट प्रपोजल र रोट्रयाक्ट क्लब अफ काँकरभिटाको जोइन्ट सेक्रेटरीमा अनिल विष्टले सहभागी सवैमा धन्यवाद ज्ञापन गरेका थिए ।