मेचीनगर, २३ साउन । नेपाल विद्यार्थी संघ मेचीनगरले धुलावारीमा एसईई पास गरेका विद्यार्थीहरुबीच ‘टिकटक प्रतियोगिता’ गराएको छ ।
नेविसंघले धुलाबारी स्थित पासङ ल्हामू स्मृति प्रतिष्ठानमा आयोजित ‘टिकटक प्रतियोगिता’ को नतिजा आगामी साउन २७ गते घोषणा गरिने आयोजकले जनाएको छ ।
एसईई ग्रेड वृद्धिमा सहभागी बन्ने विद्यार्थीहरुका लागि निःशुल्क अतिरिक्त कक्षा सञ्चालन समेत गरिने कांग्रेसका क्षेत्रीय सदस्य रुपसागर अधिकारीले बताए ।
झापा क्षेत्र नम्बर १ बाट एसईई पास गरेका विद्यार्थीहरुलाई आयोजकले सम्मान समेत गरेको थियो । ‘टिकटक प्रतियोगिता’ मा नेपाली कांग्रेसका महामन्त्री विश्वप्रकाश शर्माको प्रमुख आतिथ्यता रहेको थियो । कार्यक्रममा विद्यार्थी तथा कलाकारहरुले सांस्कृतिक प्रस्तुती दिएका थिए ।
यसैवीच कार्यक्रममा अखिल नेपाल फुटबल संघ (एन्फा) का नवनिर्वाचित अध्यक्ष पंकजविक्रम नेम्बाङलाई सम्मान गरिएको थियो ।
नेविसंघ मेचीनगरका सभापति रोशन खड्काको अध्यक्षतामा सम्पन्न कार्यक्रमको सञ्चालन साक्षी ओझा र प्रनित पुडासैनीले संयुक्तरुपमा गरेका थिए ।
Discussion about this post