केपी ओली चढेको हेलिकप्टर सिमरामा आकस्मिक अवतरण

झापा, २३ साउन । नेकपा एमालेका अध्यक्ष केपी शर्मा ओली चढेको हेलिकप्टर बाराको सिमरा विमानस्थलमा आकस्मिक अवतरण गरिएको छ ।

सोमबार रौतहटको गौरमा आयोजित कार्यक्रममा सहभागी हुन काठमाडौंबाट जाने क्रममा मौसम खराबी भएपछि पूर्व प्रधानमन्त्री ओली चढेको हेलिकप्टर आकस्मिक अवतरण गरिएको हो ।

अत्यधिक वर्षाका कारण गौर पुग्न नसक्ने भएपछि सिमरा विमानस्थलमा सुरक्षित रुपमा अवतरण गरिएको बताइएको छ ।

अध्यक्ष ओली करिब ४५ मिनेट विमानस्थलमा रोकिएपछि रौतहटतर्फ लागेको एमालेका नेताहरुले जानकारी दिएका छन् ।