बनियानी, २ भदौ । नेकपा एमालेका अध्यक्ष केपी शर्मा ओलीले आगामी हुने प्रदे शर प्रतिनिधि सभाको निर्वाचनमा एमालेले जुनसुकै प्रकारको गठबन्धनलाई पराजित गर्ने बताएका छन् ।
विहीबार दिउसो कचनकवलमा आयोजित कार्यक्रमलाई सम्बोधन गर्दै अध्यक्ष ओलीले त्यस्तो बताएका हुन् ।
उनले सत्तामा रहेका कमजोर दलहरुले गठबन्धन बनाएको जिकिर गरे । ‘एमालेसँग लड्ने हिम्मत नभएकाहरु गठबन्धन बनाउँदैछन्,’ अध्यक्ष ओलीले भने, ‘लड्न सक्ने भए त एक्लाएक्लै लडिहाल्थे ।’
अध्यक्ष ओलीले पाँचदलीय गठबन्धनमा आठ वटा दल पुगेको बताउँदै अरु पनि थपेर एमालेसँग लडेर देखाउन चुनौती दिए ।
उनले गठबन्धनको खासै असर नहुने भएकाले उच्च मनोबल लिएर अघि बढ्न कार्यकर्तालाई निर्देशन दिए । उनले १६५ मध्ये बहुमत र ११० समानुपातिकमा पनि बहुमत ल्याउनुपर्नेमा जोड दिए ।
Discussion about this post