मेचीनगर, २५ भदौ । निजी बैँक तथा सहकारी संस्थाहरुमा तरल्ता आएका कारण शेयर सदस्यहरु मारमा परेका छन् ।
चाडवाड नजिकिएसँगै शेयर सदस्यहरुले व्यापारमा लगानी गर्न पाउनु पर्ने माग गर्दै सहकारी संस्थाहरुमा धर्ना दिन थालेका छन् ।
बैँक तथा सहकारी संस्थाहरुले तरल्ताका कारण शेयर सदस्यहरुलाई अहिले ऋण लगानी गर्न नसकेको अवस्था विद्यमान छ । सोहि विषयमा कर्णाली सहकारीको धुलाबारी सेवा केन्द्रले शनिबार मेची उद्योग बाणिज्य संघमा आयोजना गरेको छलफल कार्यक्रममा संस्थाका शेयर सदस्यहरुले लगानी गर्न पाउ भन्दै माग गरेका थिए ।
कर्णाली सहकारी संस्थाकी सञ्चालक सदस्य तथा धुलाबारी सेवा केन्द्रकी संयोजक जानुका ओलीको अध्यक्षतामा भएको छलफल कार्यक्रममा मेचीनगर–७ का वडाध्यक्ष प्रलादमणि ओलीको प्रमुख आतिथ्यता रहेको थियो । कार्यक्रममा प्रधान कार्यालयका सिइओ कुमार याक्सोले चाडवाड आउनुअघि केहि रकम शेयर सदस्यहरुलाई लगानी गरिने बताए ।
कार्यक्रममा सेवा केन्द्र नम्बर ३० की शेयर सदस्य मुनादेवी बुढाथोकीका श्रीमान कृष्ण बुढाथोकीलाई हर्नियाको शल्यक्रिया उपचारका लागि संस्थाले ६२ हजार सहयोग गरेको संयोजक ओलीले बताइन् । सेवा केन्द्रकी प्रमुख सुनिता राईले स्वगत र सञ्चालन कर्मचारी सन्तोष घिमिरेले गरेका थिए ।
Discussion about this post